އެރްނެސްޓޯ ރެއިނާރެސް ވަރެއާ ނަމަކަށް ކިޔާ ސްޕެއިންގެ ރައްޔިތަކު، ވަރަށް ތަފާތު އަދި ހައިރާންވާ ކަހަލަ ވިޔަފާރިއެެއް ފަށައިފިއެވެ.
މިއީ މިހާތަނަށް މިފަދަ ކަމެއް ރަސްމީކޮށް ފާޅުގައި ފަައިސާ ހޯދުމަށްޓަކައި މީހަކު ކުރި ކަމަށއް މީޑިއާތަކުންވެސް ރިޕޯޓުކުރި ފުރަތަމަ ފަހަރެވެ. މިއީ ކައިވެނި ރަސްމިއްޔާތުތަކަށް ވަދެ ދެމަފިރިންނަށް ވުމުގެ ކުރިން އެދެމީހުން ވަކިކޮށްލާ، އެކައިވެނި ބާތިލުކޮށްލާ ވިޔަފާރިއެކެވެ.
އާއިލީ ގަދަބާރުން ކުރުވާ ކައިވެނިތައް ހުއްޓުވަން ކަމެއް ނުވަތަ އެހެން ކޮން މަގުސަދެއްގައި އަރނެސްޓޯ ކުރާ ކަމެއްކަން ނޭނގުނު ކަމަށްވިޔަސް މިއީ ގިނަ ބަޔަކަށް ކަމުދާ އަދި އެރްނެސްޓޯ ރެއިނާރެސް ވަރެއާ އާ މެދު ފަހުރުވެރިވާ ކަމަކަށް ވަނީ ވެފައެވެ.
މި ވިޔަފާރީގެ އެއްބަަސްވުމުގެ ދަށުން އެރްނެސްޓޯ ރެއިނާރެސް ވަރެއާ ކައިވެނީގެ ރަސްމިއްޔާތުތަކަށް ވަދެ، ކައިވެނިވާ ފަރާތުގެ ސިއްރު ލޯބިވެރިޔާގެ ގޮތުގައި ކޮންމެވެސް ކަހަލަ އެކްޓުތަކެއް ކުރެއެވެ. އަދި ތަނުގެ ހަމަނުޖެހުން އުފައްދައި މީހުން އެނބުރި އެނބުރި ތިއްބާ ކައިވެނި ކުރާ ދެމީހުން ކުރެ އޭނާ ލޯބިވެރިޔާ ކަމަށް ބުނާ މީހާގެ އަތުގައި ހިފާ، ގަޔާ ކައިރިކޮށް، އެކައިވެނި ވުމުގެ ކުރިން ރޫޅަލައެވެ. އަދި ކައިވެނި ބާޠިލުކުރުވުމުގެ އަގު ހޯދައެވެ.
ކައިވެނީގެ ހަފްލާ އިން ފިލައިގެން ދުވެފައި ދަނިކޮށް ….ފޮޓޯ: ފްލަޔަރ
މަޖަލަކަށް ސަމާސާ އަކުން ބެޓުކުރާ ކުޅިވަރަކުން ފެށުނު މިކަން މިހާރު ވަނީ އެރްނެސްޓޯ ރެއިނާރެސް ވަރެއާ ގެ ކުރިއަރަމުންދާ ވިޔަފާރިއަކަށް ބަދަލުވެފައެވެ. ކައިވެނިތައް "ހަލާކުކޮށްލުމުގެ" އަގަކަށް ފައިސާ ލިބެއެވެ.
މިއީ ކައިވެނިވާން ބޭނުން ނޫން، މަޖުބޫރު ކައިވެނިތަކުން ސަލާމަތްވުމަށް ވަރަށްވެސް ރަނގަޅު ގޮތެއް ކަމަށް ފެނެއެވެ. އަދި އޭނާ އުފައްދާ ހަމަނުޖެހުމުގައި ޖިސްމާނީ ގޮތުން ޖެހުމެއް ހިނގައިފިނަމަ އިތުރު ފައިސާ ދައްކަދައްކަންޖެހެއެވެ.
ދަ އިންޑިޕެންޑެންޓްގެ ރިޕޯޓެއްގައި ބުނެފައިވާ ގޮތުގައި، މި މީހާ ކައިވެނި ހަލާކުކޮށްލުމަށް ޗާޖުކުރަނީ 500 ޔޫރޯ (ގާތްގަނޑަކަށް 550 އެމެރިކާ ޑޮލަރު) އެވެ. މިއީ އާންމުކޮށް އެހީތެރިވަނީ އެންމެ ފަހު ވަގުތު ކައިވެނި ކެންސަލްކުރާނެ ގޮތެއް ނޭނގޭ އަނބިންނަށެވެ.
ކައިވެނީގެ ހަފްލާ އިން ފިލައިގެން ދުވެފައި ދަނިކޮށް….. ފޮޓޯ: ފްލަޔަރ
ސްޕެއިންގެ ނިއުސް އައުޓްލެޓް އެންޓެނާ 3 އިން ބުނެފައިވާ ގޮތުގައި، ވަރެއާ ވަނީ އިޝްތިހާރެއް ނެރެފައެވެ. އެ އިޝްތިހާރުގައި ބުނެފައިވަނީ، "ޝައްކު އުފެދޭނަމަ ނުވަތަ ކައިވެނިކުރަން ބޭނުން ނުވެ އިންކާރުކުރާނެ ގޮތެއް ނޭނގޭނަމަ، ކަންބޮޑުނުވާށެވެ. ތިޔަބޭފުޅުންގެ ކައިވެންޏަށް ދެކޮޅު ހަދާނެ ގޮތުގެ ޒިންމާ އަހަރެން ހަވާލުވަމެވެ."
500 ޔޫރޯ (ގާތްގަނޑަކަށް 550 އެމެރިކާ ޑޮލަރު) ގެ އެއްބަސްވުމަކަށް އަރނެސްޓޯ ޔަގީންކަން ދިނުމަށްފަހު އަދި އެއްކަމަކަށް އެއްބަސްވާން ބުނެއެވެ. ކައިވެނީގެ ރަސްމިއްޔާތަށް ޙާޟިރުވެ، ކައިވެނިވާ ފަރާތުގެ ހަގީގީ ލޯބިވެރިޔާކަމަށް ބުނެ، އެ ފަރާތާއެކު ފިލައިގެން ދިއުމަށް އެދި، ކައިވެނި ދޫކޮށްލުމަށް ބުނާނެ ކަމަށް ބުނެ އެގޮތަށް އެކަން ކުރާނެ ކަމަށް ބުނެ ދެފަރާތުން އެއްބަސްވެގެންނެވެ.
ކައިވެނީގެ ހަފްލާ އިން ފިލައިގެން ދުވެފައި ދަނިކޮށް….. ފޮޓޯ: ފްލަޔަރ
"ތިޔަ ބޭފުޅުންގެ ހިތުގައި ޝައްކު އުފެދޭނަމަ، ނުވަތަ ކައިވެނިވާން ޔަގީންކަން ނެތްނަމަ، ނުވަތަ ހަމައެކަނި ނޫނެކޭ ބުނަން ނުކެރޭނަމަ، އަޅުގަނޑަށް ތިޔަ ބޭފުޅުންގެ ކައިވެނި ބާތިލު ކޮށްދޭނަން، މީ ސައްތައިން ސައްތައިގެ ޔަގީން ވާހަކައެއް." އަރނެސްޓޯ މަޝްހޫރުވި ވީޑިއޯގައި ބުންޏެވެ. "އަހަންނަށް ބޭނުންވަނީ ހަމައެކަނި ވަގުތާއި، ތަނާއި، ތާރީހު. ކައިވެނި ކުރާ ތަނަށް ދާނަން، ބަރާބަރަށް ތައްޔާރުވެގެން ދާތި. އަހަރެން އޭނަ ގޮވައިގެން އެތަނުން ނައްޓާލާނަން،"
އިޝްތިހާރު ފެށިގެން އައީ މަޖަލެއްގެ ގޮތަށް ކަމަށް ވިޔަސް ސަޕޯޓަށް އެދި ހިތްވަރުދެރަ އަންހެނުން އޭނާއާ ގުޅެން ފެށިއެވެ. އެ މީޑިއާއަށް އޭނާ ހާމަކުރި ގޮތުގައި، އެއަށްފަހު އޭނާއަށް އަބަދުވެސް އޮފަރތައް ލިބެމުންދެއެވެ.
ކައިވެނީގެ ހަފްލާ އިން ފިލައިގެން ދުވެފައި ދަނިކޮށް….. ފޮޓޯ: ފްލަޔަރ
ހައިރާންވާ ކަމަކީ، އޭނާގެ އާދަޔާ ޚިލާފު މި ޚިދުމަތަށް އެހާ ބޮޑު ޑިމާންޑެއް ލިބި، ޑިސެމްބަރު މަހާ ހަމައަށް އޭނާގެ ވަގުތު ފުރިފައިވާ ކަމެވެ.
ވަރެއާ އިތުރަށް ބުނެފައިވަނީ އެކައިވެނި ހަލާކުކޮށްލަން ދާ ފަރާތްތަކުގެ އާއިލާގެ މެންބަރުން އޭނާއަށް ކުރާ ކޮންމެ އަނިޔާއަކަށް އިތުރު ފައިސާ ނަގާ ކަމަށެވެ. "ކޮންމެ އަނިޔާއަކަށް، ކޮންމެ ކަންފަތްމަތީ ޖެހުމަކަށް50 ޔޫރޯ އަގު ނަގަން" އޭނާ ބުނެފައިވެއެވެ. މީނާ މިމަސައްކަތް ކޮށްދެނީ ހަމައެކަނި އަންހެނުންނަކަށް އެކަންޏެއް ނޫނެވެ..
ކިތަންމެ ގަބޫލު ކުރަން ދަތިވި ނަމަވެސް ސްޕyy⁷⁷އިންގެ މިޒުވާނާގެ ޕްރޮފެޝަނަލް ވިޔަފާރިއަކަށް މިވަނީ މިކަން ބަދަލުވެފައެވެ.