ދުނިޔެއާއި އާޙިރަތުގައި އެންމެ މަންފާހުރި މީހާ އަށް ވުމައްޓަކައި މުސްލިމަކު ފަޟީޙަތްނުކޮށް އޭނާގެ ޢައިބުތައް ވަންހަނާކޮށްދިން މީހާ، ދުނިޔެއާއި އާޚިރަތުގައި ފަޟީޙަތްނުކުރައްވައި ﷲ ސަލާމަތްކޮށްދެއްވާނެ ކަމަށް މިއަދުގެ ހުކުރު ޚުތުބާގައި ބުނެފިއެވެ.
މިއަދު ހުކުރު ޚުތުބާ އަލިއަޅުވާލީ އެންމެ މަންފާހުރި މީހާ އަށް ވުމަށް ކުރެވޭނެ ކަންތައްތަކާ ގުޅުވައިގެންނެވެ. އެގޮތުން މަންފާހުރި މީހާ އަށްވެވޭނެ މުހިންމު ކަންތައްތަކެއް ވަނީ ފާހަގަކޮށްފައެވެ. މިގޮތުން ފާހަގަކޮށްފައިވަނީ މުސްލިމް އަޚަކަށް ކުރިމަތިވާ މުޞީބާތަކުން އޭނާ ސަލާމަތްކޮށްދިނުމާއި، އަތްމަތިދަތި މީހަކަށް ލުއިކޮށްދިނުމާއި، މުސްލިމު އަޚާގެ ދަރަނި ފުއްދައިދިނުމާއި، ބަނޑުހައިހޫނުކަމުގައި ތިބޭ މީހުންނަށް ކާންދިނުމެވެ. އަދި މީސްތަކުންގެ މުހުތާދުތައް ފުއްދައިދިނުމަށް ޓަކައި މަސައްކަތް ކުރާ މީހާވެސް އެއީ އެންމެ މަންފާހުރި މީހާކަމުގައެވެ.
ހާރުދަމުގެ ވަގުތުގައި ގެއެއްގައި ތެލީގެފޫ ކަހައިލާ އަޑު އަވަށްޓެރިއަކަށް އިވޭ އިރަށް ކާބޯތަކެތި ހިފައިގެން، އެ ގެއަކަށް ދާ ވާހަކަ ތާރީޚުގެ ފަތްފުށްތަކުގައި އެބަހުރި ކަމަށާއި، އެގޮތަށްއަމަލުކުރުމަކީ ރީތީ އާދަތަކުގެ ތެރެއިން ވެސް ކުރަން މުހިންމު ކަމެއް ކަމަށެވެ.
އަދި މީގެ އިތުރުން ޚުތުބާގައި ފާހަގަ ކޮށްފައިވަނީ މުސްލިމަކު ފަޟީޙަތްނުކޮށް އޭނާގެ ޢައިބުތައް ވަންހަނާކޮށްދިން މީހާ އަކީ އެއީ ނަބަވީ ޙަރަންފުޅުގައި މަސްދުވަހު އިޢުތިކާފަށް އިނުމަށް ވުރެ މާތް ކަންބޮޑު ކަމެއްގެ ގޮތުގައެވެ.