ސައުދީ އަރަބިއްޔާގެ 94 ވަނަ ގައުމީ ދުވަސް ފާހަގަކުރުމުގެ ގޮތުން ސައުދީ އަރަބިއްޔާގެ އެކި ކަންކޮޅުތަކުގައި ތަފާތު ހަރަކާތްތައް ކުރިއަށް ގެންދަން ފަށައިފިއެވެ.
ޤައުމީ ދުވަހާ ގުޅިގެން ރިޔާޒުގައި މިރޭ 9:00 އިން ފެށިގެން ހަތް މިނެޓަށް އުމް އަޖްލާން ޕާކުގައި ހަވާގެ ހަރަކާތްތައްވެސް ކުރިއަށްދާނެއެވެ.
ސައުދީ އަރަބިއްޔާގެ 94 ވަނަ ގައުމީ ދުވަސް ފާހަގަކުރުން/ފޮޓޯ: ސައުދީ ގެޒެޓްސް
ޖިއްދާގައި އާންމުންނަށް ދައްކާލުމަށް ހަރަކާތްތައް ކުރިއަށްދާއިރު، މީގެ އިތުރުން ބުރައިދާ، ތަބުކް، މަދީނާ، އަބާ، ހައިލް، އަރާރު، ނަޖްރާން، އަލްބަހާ، އަލްޖައުފް އަދި ޖަޒާން ފަދަ އެހެން ސިޓީތަކުގައި ވެސް މި އުފާފާޅުކުރުމުގެ ގޮތުން ކަނޑައެޅިފައިވާ ތަންތަނުގައި ފަޔާރ ވޯކްސްގެ ހަރަކާތްތައް ކުރިއަށްގެންދިއުމަށް ވަނީ ހަމަޖެހިފަ އެވެ.
ސައުދީ އަރަބިއްޔާގެ 94 ވަނަ ގައުމީ ދުވަސް ފާހަގަކުރުން/ފޮޓޯ: ސައުދީ ގެޒެޓްސް
ސައުދީ ޕްރެސް އެޖެންސީން ބުނީ ސައުދީ ޗެނަލް އާއި ސައުދިއާ އަލާން އިން ސައުދީގެ އެކި ސިޓީތަކުން އުފާ ފާޅުކުރާ މަންޒަރުތައް ލައިވް ކުރާނެ ކަމަށެވެ.