ހދ.އަތޮޅުގެ ދަނޑުވެރިންގެ ހުނަރު އިތުރުކޮށް، އުފެއްދުންތެރިކަން ރަނގަޅުކުރުމަށް އަމާޒުކޮށްގެން ޚާއްސަ ތަމްރީނު ޕްރޮގްރާމެއް ފަށައިފިއެވެ.
އިއްޔެ ފެށި މި ޕްރޮގްރާމް ކުރިއަށްދަނީ ހދ. ހަނިމާދޫ އެގްރިކަލްޗަރ ސެންޓަރުގައެވެ.
މިއީ މިނިސްޓްރީ އޮފް އެގްރިކަލްޗަރ އެންޑް އެނިމަލް ވެލްފެއަރ އިން އިންތިޒާމުކޮށްގެން ކުރިއަށްގެންދާ ޕްރޮގްރާމެކެވެ.
ހަތް ދުވަހުގެ މުއްދަތަށް ކުރިއަށްދާ މި ޕްރޮގްރާމުގައި ހދ.އަތޮޅުގެ އެކި ރަށްރަށުން 13 ދަނޑުވެރިން ބައިވެރިވެއެވެ.
މިނިސްޓްރީން ބުނީ މި ތަމްރީނު ޕްރޮގްރާމުގައި ދަނޑުވެރިންނަށް ދަސްކޮށްދެނީ ޒަމާނީ ދަނޑުވެރިކަމުގެ އާ ޓެކްނިކްތަކާއި، ގަސްކާނާ ބޭނުންކުރުމުގެ ހަރުދަނާ ގޮތްތަކާއި، ބަލިތަކުން ގަސް ސަލާމަތްކުރުމުގެ ގޮތްތައް ކަމަށެވެ.