މަސްތުވާތަކެތިކަމަށް ޝައްކު ކުރެވޭ އެއްޗެއް ހުރި 3 ސެލޯފިންކޮޅު މަގުމައްޗަށް އެއްލާލައި ފުލުހުންގެ ވާޖިބަށް ހުރަސްއެޅި މައްސަލައެއްގައި މީހަކު ހައްޔަރުކޮށްފިއެވެ.
ފުލުހުން މިއަދު ބުނީ އިއްޔެގެ 14:25 ހާއިރު ހުޅުމާލެ ފުލެޓް 4 ކައިރިން ހިނގާފައިދިޔަ މީހަކު މަސްތުވާތަކެތިކަމަށް ޝައްކު ކުރެވޭ 3 ސެލޯފިންކޮޅު އެއްލާލި ތަން ފެނުމުން އެ ސަރަހައްދު ޕެޓްރޯލް ކުރަމުންދިޔަ ފުލުހުންނަށް ފެނިގެން އޭނާ ހުއްޓުވައިފައިވާ ކަމަށެވެ. އަދި އޭނާއާ ސުވާލުކޮށް ބަލައި ފާސްކުރަން އެދުމުން ގަދަ ހަދައި ފުލުހުންގެ ދައުރު އަދާކުރަން ހުރަސް އަޅާފައިވާތީ ބާރުގެ ބޭނުންކޮށްގެން އެ މީހާ ފުލުހުންގެ ބެލުމުގެ ދަށަށް ގެންގޮސްފައިވާ ކަމަށް ފުލުހުން ބުންޏެވެ.
މި މައްސަލާގައި ހައްޔަރުކޮށްފައިވަނީ މ.ޘަލާޘަ، މޫސާ ފާޒިލް (31 އ) އެވެ.
ފުލުހުން ބުނީ މި މައްސަލަ ތަހުގީގުކުރަމުން އަންނަ ކަމަށެވެ.