ރައީސް ޑރ. މުޙައްމަދު މުޢިއްޒުގެ ސަރުކާރުން ޤައުމީ އެއަރލައިން ކަމުގައިވާ މޯލްޑިވިއަން އެއަރލައިންސް ހަރުދަނާކޮށް ތަރައްޤީކުރުމަށް މަސައްކަތްތަކެއް ކުރާ ކަމުގައި މިނިސްޓަރ އަމީން ވިދާޅުވެއްޖެއެވެ. މިހެން މިނިސްޓަރ ވިދާޅުވެފައި ވަނީ އެކަމާއި ބެހޭ ގޮތުން އެކްސްގައި ކުރެއްވި ޕޯސްޓެއްގައެވެ.
މި މަސައްކަތުގެ ތެރޭގައި ބައިނަލްއަޤްވާމީ އޮޕަރޭޝަންތަކާއި، ޑޮމެސްޓިކް އޮޕަރޭޝަންތަކާއި، ސީޕްލޭން އޮޕަރޭޝަންތައް ކުރިއަށް އޮތް ޑިމާންޑްތަކާ އެއްވަރަށް ހަރުދަނާކުރުން ހިމެނެއެވެ. ރާއްޖޭގެ ފަތުރުވެރިކަން ކުރިއެރުވުމާއި މޯލްޑިވިއަން އެއަރލައިންސްގެ ކުރިއެރުމާ ގުޅިފައިވާތީ، އެއަރލައިންގެ ހިދުމަތްތައް ފުޅާކުރުމަކީ މުހިންމު ކަމެކެވެ. އެގޮތުން، ބޮޑެތި މަތިންދާބޯޓުތަކުން ދެވޭ ބައިނަލްއަޤްވާމީ ހިދުމަތްތަކާއި، ރާއްޖޭގެ އެތެރޭގެ ދަތުރުތަކާއި، ސީޕްލޭން ހިދުމަތްތައް އިތުރަށް ހަރުދަނާކުރުމަށް ވަނީ ރޭވިފައެވެ.
އިތުރަށް މިނިސްޓަރ ވިދާޅުވެފައި ވަނީ އަމާޒަކީ ކުރިއަށް އޮތް އަހަރުތަކުގައި އިތުރުވާނެ ފަތުރުވެރިންގެ އަދަދާ އެއްވަރަށް އެއަރލައިންގެ ހިދުމަތްތައް ފުޅާކުރުން ކަމުގައެވެ. މިގޮތުން އެއަރލައިންގެ ފްލީޓް އަޕްގްރޭޑްކޮށް ވައިޑް ބޮޑީ އެއަރކަރާފްޓް ގެނައުމަށް ވެސް ވަނީ ނިންމާފައެވެ.
މި މަސައްކަތްތަކުގެ ސަބަބުން ރާއްޖޭގެ ފަތުރުވެރިކަމަށް ބޮޑު ކުރިއެރުމެއް ލިބި، ގިނަ ވަޒީފާގެ ފުރުސަތުތަކެއް އުފެދޭނެއެވެ. އަދި މޯލްޑިވިއަން އެއަރލައިންސްއަކީ މި ސަރަޙައްދުގެ ފެންވަރު ރަނގަޅު އެއަރލައިނަކަށް ހެދުމަށް މަގުފަހިވެގެން ދާނެ ކަމެށްވެސްމެއެވެ.