އަބަދުވެސް އެންމެ އިސްކަންދެއްވައި އެންމެ ފުރަތަމައަށް އަންނާނީ ދިވެހިރާއްޖެ ކަމަށާއި އެހެންވިޔަސް އިންޑިޔާއާއެކު އޮންނަ ގުޅުމަށް އިސްކަން ދެއްވާނެ ކަމަށާއި އަދި ދިވެހިރާއްޖެއިން އިންޑިޔާގެ ސަލާމަތީ މަޞްލަޙަތުތަކަށް އެއްވެސް ގެއްލުމެއް ދިނުމުގެ ނިޔަތެއް ނެތްކަން ރައީސުލްޖުމްހޫރިއްޔާ ޑރ މުހައްމަދު މުއިއްޒު ޔަޤީންކޮށްދެއްވައިފިއެވެ. ރައީސް ޑރ. މުޢިއްޒު މިޔަގީންކަން ދެެއްވީ މިހާރު އިންޑިޔާއަށް ކުރައްވަމުންދާ ރަސްމީ ދަތުރުފުޅުގައި، އިންޑިޔާގެ ނޫހެއް ކަމުގައިވާ ޓައިމްސް އޮފް އިންޑިޔާއަށް ދެއްވި ޚާއްޞަ އިންޓަވިއުއެއްގައެވެ.
ރައީސް މުޢިއްޒު އިތުރަށް ވިދާޅުވެފައިވަނީ، ދިވެހިރާއްޖެއިން އެހެން ޤައުމުތަކާއެކު އެކި ދާއިރާތަކުން ގުޅުން ބަދަހިކުރަމުން ދިޔަ ނަމަވެސް، ސަރަޙައްދުގެ ސަލާމަތާއި ރައްކާތެރިކަމަށް އުނިކަމެއް ނާންނާނެ ގޮތަށް ކަންކަން ކުރިއަށް ގެންދިއުމަށް ދިވެހިރާއްޖެއިން އަބަދުވެސް މަސައްކަތްކުރާނެ ކަމަށެވެ. އަދި އިންޑިޔާއަކީ ދިވެހިރާއްޖޭގެ އަގުހުރި ބައިވެރިއެއް ކަމަށާއި، ދެ ޤައުމުގެ ގުޅުން ބިނާވެފައިވަނީ އެކަކު އަނެކަކަށް އިޙްތިރާމްކުރުމާއި މަޞްލަޙަތުތައް ހިއްސާކުރުމުގެ މައްޗަށް ކަމަށް ފާހަގަކުރެއްވިއެވެ.
“ދިވެހިރާއްޖެ އެންމެ ފުރަތަމަ” މި ސިޔާސަތު ގެންގުޅުއްވި ނަމަވެސް، އިންޑިޔާއާއެކު އޮތް ދުރުވެފައިވާ އަދި އިތުބާރުހުރި ގުޅުމަށް އިސްކަންދެއްވާނެ ކަމަށް ރައީސް ޑރ މުޢިއްޒު ވިދާޅުވިއެވެ. އަދި އެހެން ޤައުމުތަކާއެކު ކުރާ މުޢާމަލާތްތަކުން އިންޑިޔާގެ ސަލާމަތީ މަޞްލަޙަތުތަކަށް އުނިކަމެއް ނާންނާނެ ކަމުގެ ޔަޤީންކަން ދެއްވިއެވެ.
ދިވެހިރާއްޖޭގައި ތިބި އިންޑިޔާ ސިފައިން ފޮނުވާލުމާ ގުޅޭ ގޮތުން ވާހަކަދައްކަވަމުން ރައީސް މުޢިއްޒު ވިދާޅުވީ، އެއީ ދިވެހި ރައްޔިތުންގެ އެދުމާއި އުއްމީދާ އެއްގޮތަށް ނިންމުމެއް ކަމަށެވެ. އެހެންނަމަވެސް، ދިވެހިރާއްޖެއާއި އިންޑިޔާއާ ދެމެދު ދިފާޢީ އެއްބާރުލުން އަބަދުވެސް އިސްކަންދޭނެ ކަމެއްގެ ގޮތުގައި ދެކެވަޑައިގަންނަވާނެ ކަމަށް އެމަނިކުފާނު ވިދާޅުވިއެވެ.
ރައީސް މުޢިއްޒު އިތުރަށް ފާހަގަކުރެއްވި ގޮތުގައި، ފާއިތުވި މަސްތަކުގައި ދިވެހިރާއްޖެއާއި އިންޑިޔާއާ ދެމެދު ގުޅުން ވަނީ ރަނގަޅުވެ، ކުރިއަރަމުން އައިސްފައެވެ. މިކަމަކީ ދެ ޤައުމުގެ ގުޅުމުގެ ހެޔޮ މިސްރާބު ދައްކުވައިދޭ ކަމެއް ކަމުގައި އެމަނިކުފާނު ވިދާޅުވިއެވެ.
“ދިވެހިރާއްޖެއާއި އިންޑިޔާގެ ގުޅުމަކީ ގަހެއްގެ މޫތަކެކޭ އެއްފަދައިން ގުޅިލާމެހިފައިވާ ގުޅުމެކެވެ. މިއީ ގަރުނުތަކެއް ވަންދެން ދެމިގެން އައިސްފައިވާ، ހިއްސާކުރާ އަގުތަކެއްގެ މައްޗަށް ބިނާވެފައިވާ ގުޅުމެކެވެ،” ރައީސް މުޢިއްޒު ވިދާޅުވިއެވެ.
ރައީސް މުޢިއްޒު އިތުރަށް ވިދާޅުވީ، މި ދަތުރުފުޅަށް ތައްޔާރުވުމުގެ މަސައްކަތް ކުރެވެމުން އައީ ދުވަސްކޮޅެއް ކުރިން ފެށިގެން ކަމަށާއި، ދެ ޤައުމު ދެމެދު އެއްބަސްވުމަކަށް އާދެވިވި، އެކަށީގެންވާ ވަގުތެއް ކަނޑައެޅިފައިވާ ކަމަށެވެ. އަދި ދިވެހިރާއްޖެއާއި އިންޑިޔާއާ ދެމެދު އޮތް ގުޅުން އަބަދުވެސް ވަރުގަދަ ކަމަށާއި، މި ދަތުރުފުޅުން އެ ގުޅުން އިތުރަށް ހަރުދަނާވެގެންދާނެ ކަމުގެ ޔަޤީންކަން އޮތް ކަމަށް ވިދާޅުވިއެވެ.
އިތުރަށް ވާހަކަފުޅު ދައްކަވަމުން ރައީސް މުޢިއްޒު ވިދާޅުވެފައިވަނީ، މިއީ އެމަނިކުފާނު އިންޑިޔާއަށް ކުރައްވާ ފުރަތަމަ ދައުލަތުގެ ދަތުރުފުޅު ކަމަށާއި، މި ދަތުރުފުޅުން ދެ ޤައުމުގެ ގުޅުން އިތުރަށް ބަދަހިކުރުމަށާއި، ތަރައްޤީގެ މަޤްޞަދުތައް ޙާޞިލުކުރުމަށް ދެ ސަރުކާރުން ކުރައްވާ މަސައްކަތް ދައްކުވައިދޭ ކަމަށެވެ.
ރައީސް މުޢިއްޒު ނިންމަވާލައްވަމުން ފާހަގަކުރެއްވީ، އިންޑިޔާއަކީ ދިވެހިރާއްޖޭގެ އެންމެ ބޮޑު ވިޔަފާރި އަދި ތަރައްޤީގެ ބައިވެރިންގެ ތެރެއިން އެއް ބައިވެރި ކަމަށާއި، މި ދަތުރުފުޅަކީ ވަރަށް ކާމިޔާބު ދަތުރުފުޅަކަށް ވާނެ ކަމުގެ ޔަޤީންކަން އޮތް ކަމަށެވެ. މި ދަތުރުފުޅުގެ ސަބަބުން ދެ ޤައުމުގެ ދެމެދުގައި އޮތް އެކުވެރިކަމާއި އެއްބާރުލުން އިތުރަށް ފުޅާވެ، ދެމެހެއްޓެނިވި ގޮތެއްގައި ކުރިއަރައިގެންދާނެ ކަމަށް އުންމީދުކުރައްވާ ކަމުގައިވެސް ރައީސް މުޢިއްޒު ވިދާޅުވިއެވެ.