ދުނިޔޭގެ އެންމެ ބޮޑު ޝިޕިން ކުންފުނި ކަމަށްވާ މެޑިޓެރޭނިއަން ޝިޕިން ކޮމްޕެނީ (އެމްއެސްސީ) އިން ރާއްޖެއަށް ދަތުރު ފަށައިފިއެވެ.
800 ކޮންޓެއިނަރ ހިފައިގެން ދަތުރު ކުރި މި ބޯޓު ބަނދަރު ކުރުމާއި އެކު އެމްޕީއެލުން ވަނީ ވޯޓަރ ސެލިއުޓެއް އަރުވާގައެވެ. މިއީ މިކުންފުނީގެ ބޯޓެއް ރާއްޖެއަށް ދަތުރު ކުރި ފުރަތަމަ ފަހަރެވެ.
އެމްޕީއެލްގެ ސީއީއޯ ވަޖީހު ވިދާޅުވީ މިއީ ރާއްޖޭގެ އިގްތިސާދަށް އަދި ކާގޯ ހިދުމަތްތަކަށް ލިބުނު ކުރިއެރުމެއް ކަމަށެވެ.
ވެރިކަން ބަދަލުވެ އެމްޕީއެލުން ދަނީ ރާއްޖޭގައި މެރިޓައިމްގެ ދާއިރާގެ ނުފޫޒު ވަރުގަދަކުރަމުންނެވެ. އަދި ރައީސް ޑރ މުހައްމަދު މުއިއްޒުގެ ރިޔާސީ ވައުދުފުޅާއި އެއްގޮތަށް މުޅިރާއްޖެއަށް މެރިޓައިމް ހިދުމަތް ފުޅާ ކުރުމުގެ ބޮޑު މަސައްކަތް ކާމިޔާބު ކަމާއި އެކު ކުރަމުންމެވެ. އެގޮތުން އިހަވަންދިއްޕޮޅުގައި ބައިނަލް އަގުވާމީ 14 ހިދުމަތެއް ފަށާފައިވާއިރު ސީޓުއެއަރ ކާގޯ ހިދުމަތް ފަށައި ދަނީ ފުޅާކުރަމުންނެވެ. މިހިދުމަތުގައި ދުނިޔޭގެ ނުފޫޒު ގަދަ ބޮޑެތި އެއަރލައިން ތަކުން ދަނީ ބައިވެރިވަމުންނެވެ.
މީގެ ކުރިން ސީއީއޯ ވަޖީހު ވިދާޅުވީ އިހްލާސްތެރި ކަމާއިއެކު ރަނގަޅު ނިޔަތުގައި މަސައްކަތް ކޮށްފިނަމަ ރާއްޖޭގައި މެރިޓައިމް ދާއިރާ ނުހަނު ފުޅާވާނެ ކަމުގައެވެ.