ރައްޔިތުންނަށް ކޮށްދޭނެ ކަމަށް ބުނެ، އެމްޑީޕީ ސަރުކާރުން ކަޑަ ޖަހާފައި ހުރި ހުރިހާ މަޝްރޫއުއެއްް ފުރިހަމަކޮށްދޭނީ ރައީސް ޑރ. މުޙައްމަދު މުޢިއްޒުގެ ސަރުކާރުން ކަމަށް ރައްޔިތުންގެ މަޖިލީހުގެ ހެންވޭރު އުތުރު ދާއިރާގެ މެންބަރު އަޙްމަދު އައިފާން ވިދާޅުވެއްޖެއެވެ.
”މެންދުރު ޓީވީ” އިން ރޭ ގެނެސްދިން ”މައުޟޫއު” ޕްރޮގްރާމުގައި ވާހަކަ ދައްކަވަމުން އައިފާން ވިދާޅުވީ 2023 ވަނަ އަހަރުގެ ރިޔާސީ އިންތިޚާބުގައި ރައްޔިތުން އެމްޑީޕީއަށް ވޯޓު ދޭން ބޭނުންނުވި ކަމަށާއި، ރައްޔިތުން އެ ގޮތަށް ނިންމީ އެމްޑީޕީން ވީ ވައުދުތައް ނުފުއްދައި އޮޅުވާލުމުން ކަމަށެވެ.
މިއަދު އެމްޑީޕީއަކަށް ނުދެއްކޭނެ، ތިމަންނަމެން އޮންނާނީ މިވެނި މަޝްރޫއުއެއް ހިންގާފައޭ، އެވެނިކަމެއް ކޮށްފައޭ، މިވެނިކަމެއް ކޮށްފައޭ، މި ވާހަކައެއް މިއަދު ނުދެއްކޭނެ.
އައިފާން ވިދާޅުވީ އެމްޑީޕީން ރައްޔިތުންނަށް ކޮށްދޭނަމޭ ކިޔައި ކަޑަ ޖަހާފައި ހުރި ހުރިހާ މަޝްރޫއުއެއް ހިންގާނީ ރައީސް ޑރ. މުޢިއްޒުގެ މި ސަރުކާރުން ކަމަށެވެ.
މީގެއިތުރުން އެމަނިކުފާނު ރައްޔިތުންނަށް ވެވަޑައިގަންނަވާފައި ހުރި ވައުދުތައް ފުއްދަވައި، ކުރީ ސަރުކާރުން ފަށައި، ކުރިއަށް ނުގެންދެވުނު ތިލަމާލެ ބުރިޖު ވެސް ހަގީގަތަކަށް ހައްދަވައިދެއްވާނެ ކަމަށް އައިފާން ވިދާޅުވިއެވެ.