އިނގިރޭސިވިލާތުގެ ރަސްގެފާނު ބޭއްވެވި ރަސްމީ ޙަފުލާގައި ރައީސުލްޖުމްހޫރިއްޔާގެ ނައިބު ބައިވެރިވެވަޑައިގެންފިއެވެ.
ކޮމަންވެލްތު ޤައުމުތަކުގެ އިސްވެރިންގެ 27 ވަނަ ބައްދަލުވުން 2024 ގައި ކޮމަންވެލްތުގެ އެންމެ އިސްވެރިޔާ އިނގިރޭސިވިލާތުގެ ރަސްގެފާނު ހިޒް މެޖެސްޓީ ޗާލްސް 3 ވަނަ ބޭއްވެވި ރަސްމީ ޙަފުލާގައި ނައިބު ރައިސް ބައިވެރިވެ ވަޑައިގެންފައިވަނީ މިހާރު ސަމޯއާ ގައި ކުރިއަށްދާ ބައްދަލުވުމުގައެވެ.
މިއީ ކޮމަންވެލްތު ޤައުމުތަކުގެ އިސްވެރިންގެ 27 ވަނަ ބައްދަލުވުން 2024،އެވެ. މި ބައްދަލުވުން މިއަހަރު ކުރިއަށްދަނީ ތަރައްޤީވަމުން އަންނަ ކުދި ޖަޒީރާ ޤައުމުތަކުގެ ތެރޭގައި ހިމެނޭ ސަމޯއާގައެވެ.
މި އަހަރަކީ ޕެސިފިކް ސަރަހައްދުގެ ސްމޯލް އައިލެންޑް ޑިވެލޮޕިން ސްޓޭޓް (ސިޑްސް)ގެ ޤައުމެއްގައި ކޮމަންވެލްތު ޤައުމުތަކުގެ އިސްވެރިންގެ ބައްދަލުވުން ބާއްވާ ފުރަތަމަ ފަހަރުވެސް މެއެވެ.