ބޮލީވުޑްގެ ޒުވާން ތަރި އަނަންޔާ ޕާންޑޭ ވަނީ އޭނާގެ ސްކޫލު ދުވަސްވަރު، ސައިފްއަލީހާނާއި އަމްރިތާރާއީގެ ދޮށީ ދަރިފުޅު، އަދި ފިލްމީތަރި ސާރާ އަލީ ހާން ދެކެ ބިރުގަތް ކަމަށް ބުނެފިއެވެ.
މިޑް-ޑޭ ނޫހުގެ މަޔަންކް ޝޭކަރްއާއެކު ކުރިއަށްގެންދިޔަ އިންޓަވިއުއެއްގައި އަނަންޔާ ބުނީ އޭނާއާއި ސާރާ ކިޔެވީ މުންބާއީގެ ދިރުބާއީ އަމްބާނީ އިންޓަނޭޝަނަލް ސްކޫލުގައި ކަމަށެވެ. އަނަންނާ ބުނި ގޮތުގައި އޭނާ ގްރޭޑް 5 އެއްގައި ކިޔެވިއިރު ސާރާ އުޅުނީ އަށްވަނަ ކުލާހުގައެވެ. އޭނާ އަށްވުރެ ސާރާ 3 އަހަރު ދޮށީ ކަމަށާއި އެއީ ސީނިއަރ އަކަށްވުމުން އިތުރަށް ޖެހިލުންވީ ކަމަށްވެސް އަނަންޔާ ބުންޏެވެ،
"ސާރާއަކީ އަބަދުވެސް ވަރަށް ހާމަކޮށް ވާހަކަދައްކަވާ މީހެއް، އޭރު ސުކޫލުގައި ކިޔެވި ދުވަސްވަރު ދިމާލަށް ބަސް ބުނުމުގައި ވަރަށް ކުރީގަ އުޅުނީ. އޭރު ސާރާގެ މިޒާޖު ހުންނަ ގޮތުން އަހަންނާ ދިމާއަށް އެއްޗެކޭ ބުނެފާނެ ކަމަށް ބިރުން ސްކޫލުގައި އޭނާއަށް ނުފެންނަން ވެގެން ބައެއްފަހަރު އަހަރެން ފިލަންވެސް މަސައްކަތްކުރިން،" އަނަންޔާ ބުންޏެވެ.
ސާރާ އާއި އަނަންޔާ…..ސުކޫލުގައި ގާތްކަމެއް ނެތަސް މިހާރު ގާތް އެކުވެރިން
އަނަންޔާ ކިޔައިދިން ގޮތުގައި އެއްފަހަރު ސްކޫލުގައި ކުޅުނު ޑްރާމާއެއްގައި ސާރާއަށް ލީޑްރޯލު ލިބުމުން، އެޑުރާމާގައި ސާރާގެ ބާނދީއަކަށް ވުމުން އަނަންޔާ ހުންނަން ޖެހުނީ ސާރާގެ ކުޑަ ހިފަހައްޓައިގެންނެވެ. "އޭރު ސާރާއަށް އަހަރެންގެ ނަމެއްވެސް ނޭނގޭ. އަހަރެންނަށް ގޮވާނީ "އޭ ގާލް" ކިޔާފައި،" އަނަންޔާ ބުންޏެވެ.
"މީގެ މަޖާ ކަމަކީ މިހާރު ސުކޫލުގައި ކަންތައް ހުރި ގޮތުގެ ވާހަކަ ބުނެފިނަމަ ސާރާ ބުނާނެ، ކޮންހާ ވާހަކައެއް، އަހަރެން ކަލެއަށް ކަންތައް ކުރީ ނުލާހިކު ރަނގަޅަށް، އާނ އޭރުގައި ހައި ސުކޫލުގައި ރެގިން އޮންނާނެ، އޭނާ ރެގިން ގޭންގަކު ނޫޅޭނެ، ރެގިން ގޭންގަށްވުރެވެސް މާ ކުރީގައި އުޅޭނީ، ސީދާ ދިމާއަށް އަމުރު ކުރާނެ، ބަސްބުނާނެ، މީހަކަށް ތަނަކަށް ވަގުތަކަށް ބެލުމެއް ނޯންނާނެ އެހެންވެ އޭނައަކީ އެންމެންވެސް ޖެހިލުންވާ ދަރިވަރަކަށް ވެފައި އޮތީ." އަނަންޏާ ހެމުން ކިޔައިދިނެވެ.
ނަމަވެސް މިހާރު އެ ދެމީހުންގެ ގުޅުން ވަނީ ވަރަށް ބޮޑަށް ބަދަލު ވެފައެވެ. އަނަންޔާ ބުނި ގޮތުގައި އޭނާގެ އެންމެ ފަހުގެ ފިލްމު "ސީޓީއާރްއެލް" ބެލުމަށްފަހު ފިލްމާ ގުޅޭ ގޮތުން ވަރަށް ރަނގަޅު މެސެޖެއްވެސް ފޮނުވި ކަމަށެެވެ.
މި އިންޓަވިއުގައި އަނަންޔާ ވަނީ އޭނާގެ ކުރިމަގާއި އަމިއްލަ ދިރިއުޅުމާ ބެހޭ ގޮތުންވެސް ވާހަކަ ދައްކާފައެވެ. އަދި ސްކޫލް ދުވަސްވަރުގެ ހަނދާން ތަކާއި ބޮލީވުޑަށް ތައާރަފުވި ގޮތުގެ ވާހަކަވެސް ދައްކާފައިވެއެވެ.