ރައީސް ޑރ. މުހައްމަދު މުއިއްޒުގެ ވައުދުފުޅާ އެއްގޮތަށް ހުޅުމާލެ ފޭސް2 އިން ދޫކުރި ހުރިހާ ގޯއްޗެއް ވެރިފަރާތްތަކާ ހަވާލުކޮށް ނިންމައިފިއެވެ.
ހައުސިންގ މިނިސްޓްރީން މިއަދު ހާމަކުރި ގޮތުގައި، ރައީސް ޑރ މުއިއްޒުގެ ވައުދުފުޅާ އެއްގޮތަށް، ބިންވެރިޔާ ސްކީމްގެ ދަށުން މާލޭ މީހުންނަށް ހުޅުމާލެ ދެވަނަ ފިޔަވަހިން ލިބިފައިވާ ހުރިހާ ގޯއްޗެއް ވަނީ އެ ތަންތަނުގެ ވެރިފަރާތްތަކާ ހަވާލުކޮށް ނިމިފައެވެ.
ރައީސް ޑރ މުއިއްޒު ވަނީ މި މަހުގެ ނިޔަލަށް ހުޅުމާލެ 2 އިން މާލޭ މީހުންނަށް ލިބުނު ގޯތިތައް ހަވާލުކޮށް ނިންމާނެ ކަމަށެވެ. މިގޮތުން، “ބިންވެރިޔާ” ސްކީމްގެ ދަށުން ހުޅުމާލެ ފޭސް 2 އިން 1380 ގޯތި ދޫކުރުމަށް ސަރުކާރުން އެއްބަސްވުމުގައި ސޮއިކޮށްފައިވެއެވެ.
ކުރީގެ ރައީސް އިބްރާހިމް މުހައްމަދު ސާލިހުގެ ވެރިކަމުގައި ފެށި ބިންވެރިޔާ ސްކީމްގެ ދަށުން ހުޅުމާލެ 2 އިން މާލޭ މީހުންނަށް 1،408 ގޯތި ދޫކުރަން ނިންމާފައިވެއެވެ.
މީގެ އިތުރުން، މި ސްކީމްގެ ދަށުން ހުޅުމާލެއާއި ގުޅިފަޅު އަދި ގިރާވަރުފަޅުން މާލޭ މީހުންނަށް 9،000 އަށް ވުރެ ގިނަ ގޯތި ދިނުމަށް ވަނީ ނިންމާފައެވެ.