ބޮލީވުޑްގެ މަޝްހޫރު ޖޯޑު ޑީޕިކާ ޕަޑުކޯން އަދި ރަންވީރު ސިންގް އެ ދެ މީހުންގެ އަންހެން ދަރިފުޅަށް ނަން ދީފިއެވެ. މި އުފާވެރި ޚަބަރު އެ ދެ މީހުން ހިއްސާކޮށްފައިވަނީ އެ ދެ މީހުން ބައިވެރިވެފައިވާ ފިލްމު "ސިންގަމް އަގެއިން" ގެ ރިލީޒާއި ގުޅުވައިގެންނެވެ.
ދީވާލީގެ މުނާސަބަތުގައި ދިޕިކާ އާއި ރަންވީރު ވަނީ އެ ދެ މީހުންގެ ދަރިފުޅުގެ ފައިގެ ފޮޓޯއެއް ހިއްސާކޮށް، އެ ކުއްޖާގެ ނަމަކީ "ދުޢާ ޕަޑުކޯން ސިންގް" ކަމަށް ހާމަކޮށްފައެވެ. "ދުޢާ"، މި ނަން ދިނުމުގެ ސަބަބަކީ އެ ކުއްޖާއަކީ އެ ދެ މީހުންގެ ދުޢާތަކުގެ ޖަވާބު ކަމުގައި އެ ދެ މީހުން ބުނެފައިވެއެވެ.
"ދުޢާ" އަކީ ޢަރަބި ބަހުން އައިސްފައިވާ އަންހެން ނަމެކެވެ. އިސްލާމް ދީނުގައި ދުޢާއަކީ މީސްތަކުން އަﷲ އަށް ދަންނަވައި، އެހީއަށް އެދޭ ޢަމަލެވެ. ކީ ޤުރުއާނުގައި، 16 ފަހަރު ބަޔާންކުރެވިފައިވާ ބަސްފުޅެކެވެ.
ދިޕިކާ އާއި ރަންވީރު ކައިވެނިކުރީ 2018 ވަނަ އަހަރު އިޓަލީގެ ލޭކް ކޯމޯގައެވެ. އެ ދެ މީހުން ލޯބިވެރިވީ ސަންޖޭ ލީލާ ބަންސާލީގެ "ގޯލިޔޯން ކީ ރަސްލީލާ ރާމް ލީލާ" ފިލްމުގެ ޝޫޓިންގ ތެރޭގައެވެ. އޭގެ ފަހުން އެ ދެ މީހުން ވަނީ "ބަޖީރާއޯ މަސްތާނީ"، "ޕަދްމާވަތް" އަދި "83" ފަދަ ގިނަ ފިލްމުފިލްމުތަކެއްގައި އެކުގައި މަސައްކަތްކޮށްފައެވެ.
އެ ދެ މީހުންގެ އެންމެ ފަހުގެ ފިލްމަކީ ރޯހިތް ޝެޓީގެ "ސިންގަމް އަގެއިން" އެވެ. މި ފިލްމުގައި އަޖޭ ދޭވްގަން، އަކްޝޭ ކުމާރު، ކަރީނާ ކަޕޫރު، ޓައިގަރ ޝްރޮފް، ޖެކީ ޝްރޮފް އަދި އަރްޖުން ކަޕޫރު ފަދަ ތަރިން ވެސް ބައިވެރިވެފައިވެއެވެ. މި ފިލްމު ވަނީ ސިނަމާތަކުގައި ދައްކަން ފަށައި، ފުރަތަމަ ދުވަހު އިންޑިއާގައި 43 ކްރޯރު ރުފިޔާ ހޯދާފައެވެ.