އޮޅުހިޔާގެ މަސައްކަތް ރަނގަޅަށް ހިނގަން ފެށުމުން ބުޅާ އެޑޮޕްޓް ކުރަން ފުރުސަތު ހުޅުވާލާނެ ކަމަށް ދަނޑުވެރިކަމާއި ދިރޭތަކެއްޗާ ބެހޭ ވަޒީރު ޑރ.އައިޝަތު ރަމީލާ ވިދާޅުވެއްޖެއެވެ. ވަޒީރު މިހެން ވިދާޅުވީ ޕީއެސްްއެމް ނިއުސްގެ ރާއްޖެ މިއަދު ޕްރޮގްރާމްގައި ވާހަކަފުޅު ދައްކަވަމުންނެވެ.
ވަޒީރު ޑރ.އައިޝަތު ރަމީލާ ވިދާޅުވީ އޮޅުހިޔާ ފެސިލިޓީއަށް ބުޅާތައް ގެންދެވި މަސައްކަތް ރަނގަޅަށް ހިނގަން ފެށުމުން، އާންމުންގެ ތެރެއިން ބުޅާ އެޑޮޕްޓް ކުރަން ބޭނުންވާ ފަރާތްތަކަށް އެ ފުރުސަތު ހުޅުވާލާނެ ކަމަށެވެ، އަދި ވިޔަފާރި އުސޫލުން ވިއްކުމަށް ރާއްޖޭން ބޭރުން ގެންނަ ބުޅާ ވަކި މުއްދަތެއް ވަންދެން ގެނައުން މަޑުޖައްސާލާނެ ކަމަށްވެސް ވަޒީރު ވިދާޅުވިއެވެ.