އދ. ދަނގެތީގައި ހިންގުނު ފަހާ ކޯހެއް ނިންމާލުމުގެ ރަސްމިއްޔާތު ބާއްވައިފި އެވެ. މި ކޯހަކީ އުކުޅަހު ހޯޕް، ޚިދުމަތް ޖަމިއްޔާ އަދި ތުރުކީގެ އުއްމަތު ޖަމިއްޔާގެ އެހީތެރިކަމާއެކު ކުރިއަށް ގެންދެވުނު ކޯހެކެވެ. މި ރަސްމިއްޔާތު ބޭއްވުނީ 1 ނޮވެމްބަރ 2024 ވަނަ ދުވަހުގެ ރޭ ދަނގެތީ ޔޫތު ސެންޓަރުގައެވެ.
މި ކޯހަކީ ރާއްޖޭގެ 10 ސަރަހައްދެއްގައި ފަހަން ދަސްކޮށްދިނުމުގެ މަގުސަދުގައި ފެށުނު ޕްރޮގްރާމްގެ 4 ވަނަ ޕްރޮޖެކްޓެވެ. މި ކޯސް ކުރިއަށް ގެންދެވުނީ އޮކްޓޯބަރ 18 އިން ނޮވެމްބަރ 1 އަށެވެ. މި ކޯހުގައި 30 ކަނބަލުންނަށް ފަހަން ދަސްކޮށްދެވުނެވެ. އަދި މި ކޯސް ނިންމާލެވުނީ އެންޓްރަޕްރަނިއަރޝިޕް (entrepreneurship) ބިޒްނަސް ސްކިލްސްގެ ސެޝަނަކާ އެކުގައެވެ.
ރަސްމިއްޔާތު ޝަރަފުވެރިކޮށްދެއްވީ ދަނގެތީ ސްކޫލުގެ ޕްރިންސިޕަލް އާމިނަތު ނަތާޝާއެވެ. މި ރަސްމިއްޔާތުގައި ބައިވެރިންނަށް ސެޓްފިކެޓް ދެވުނެވެ. އަދި ޖަމިއްޔާގެ ފަރާތުން ވަނީ ބައިވެރިންގެ ތެރެއިން ގުރުއަތުން ހޮވުނު 2 ބައިވެރިއަކަށް ފަހާފޮށި އަދި ފަހަން ބޭނުންވާ ޓޫލްސް ޕެކޭޖެއް ހަދިޔާ ކޮށްފައެވެ.
ގުރުއަތުން ފާހާފޮށި ލިބުނު ފަރާތްތަކަށް ޙަވާލުކުރުން…….ފޮޓޯ – ޖަމްޢިއްޔަތުލް ޤަލަމް
މި ޕްރޮގްރާމްގައި ކަނބަލުންނަށް ކިޔަވައި ދެއްވީ ކްރިއޭޓިވް ޕްރޮޑަކްޓްސްގެ މުދައްރިސް މަރްޔަމް ނާޝިދާއެވެ. އަދި އެންޓްރެޕްރެނިއަރޝިޕް ޕްރޮގްރާމްގެ ބިޒްނަސް ސްކިލްސް ކްލާސް ނަގައިދެއްވީ ދަ ވައިބް ޖަމިއްޔާގެ މުދައްރިސް އާއިޝަތު ޝެނީން އިބްރާހީމްއެވެ.
ކޯހުގެ ބައިވެރިއެއް ކަމުގައިވާ ހައްވާ ފަޒްލާ ވިދާޅުވި ގޮތުގައި، މީގެ ކުރިން އެއްވެސް ވަރަކަށް ފަހަން ނޭނގޭ އެތައް ކަނބަލުންނަކަށް މިހާރު މިންނަގާ ކަނޑާ އަދި ފަހަން ދަސްވެ، އަދި ވިޔަފާރިއެއް ފެށޭ ވަރަށް މި ކޯހުން މަސައްކަތް ދަސްކޮށްދީފައިވެއެވެ. އަދި މި ފަހާ ކޯސް ކާމިޔާބު ކަމާއެކު ކުރިއަށް ގެންދިއުމަށް އދ. ދަނގެތީ ކައުންސިލް، ޑަބްލިއުޑީސީ އަދި ރަށުގެ ޖަމިއްޔާއެއް ކަމަށްވާ "ޖަމިއްޔަތުލް ޤަލަމް" ކޮށްދެއްވާފައިވާ އަގުހުރި މަސައްކަތަށް ފަޒީލާ ވަނީ ޝުކުރު ދަންނަވާފައެވެ.
މާކެޓިންގ އަދި ޕަބްލިކް ރިލޭޝަންސް އެޑްވައިޒަރ – އަޙްމަދު ރަޝީދު ޚިދުމަތުގެ ޖަމްޢިއްޔާ…….ފޮޓޯ – ޖަމްޢިއްޔަތުލް ޤަލަމް
މި ކޯހުގެ ސަބަބުން ދަނގެތީ ކަނބަލުންނަށް ފެހުުމުން އާމްދަނީ ހޯދޭނެ ކަން ޔަގީނެވެ. އެހެނީ ފަހާނެ ގޮތާއި ފެހުމުގެ އުކުޅު ތަކާއި، މިންނަގައިގެން ކަނޑައިގެން ފަރުމާކޮށް ފަހަން އެނގޭ، އަދި ފެހުމުން އާމްދަނީ ހޯދާނެގޮތް އެނގޭ އަންހެންކަނބަލުން ދަނގެތީގައި މިހާރު އެންމެ އެކަށީގެންވާ މިންވަރަކަށް ތިބިކަމަށް ވާތީއެވެ.
މި ހުނަރު ބޭނުންކޮށްގެން ދަނގެތީގެ ކަނބަލުންނަށް އާމްދަނީ ހޯދުމުގެ އިތުރު ފުރުސަތުތަކެއް ހުޅުވިގެން ދާނެއެވެ. ރަށުގައި އާމްދަނީ ހޯދޭނެ ވަރުގެ އާބާދީއެއް ނެތް ނަމަ މިޒަމާނުގެ ޓެކްނޮލޮޖީ ބޭނުންކޮށްގެނ އޮންލައިންކޮށް މިނާއި ޑިޒައިން ފޮނުވާނެ ފަދަ، މިޒަމާނުގެ ޓެކްނޮލޮޖީ ބޭނުންކޮށްގެން އޮންލައިންކޮށް މިނާއި ޑިޒައިން ފޮނުވައިގެން ވިޔަފާރި ކުރެވިދާނެއެވެ. މިސާލަކަށް، އޮންލައިން އެފްބީ ޕޭޖެއް ނުވަތަ ޓިކްޓޮކް، ޔޫޓިއުބް ފަދަ ޕްލެޓްފޯމްތައް މެދުވެރިކޮށް ކަސްޓަމަރުން ހޯދައި، ޒަމާނީ ޕޯސްޓު މެދުވެރިކޮށް އުފެއްދުންތައް ފޮނުވޭނެ އިންތިޒާމުހަމަޖެއްސިދާނެއެވެ.
ސްކޫލް ޕްރިންސިޕަލް އައިމިނަތު ނަތާޝާ…….ފޮޓޯ – ޖަމްޢިއްޔަތުލް ޤަލަމް
މާލެ ސަރަހައްދުފަދަ އާބާދީބޮޑު، އެހެނަސް ލިބޭ އާމްދަނީއާ އެކަށީގެންނުވާ ހަރަދު ކުރަންޖެހޭ މީހުން ގިނަ ތަނެއްގައި ފަހައިގެން އާމްދަނީ ހޯދާ ފަރާތްތަކުން ނަގާ އަގަށްވުރެ ކުޑަ އަގެއްގައި ހިދުމަތް ދިނުމަށް ޑިސްކައުންޓު ދީގެން ވެސް މި ވިޔަފާރި ފުޅާ ކުރެވިދާނެއެވެ.
ކޯހުގައި ބައިވެރިވި 30 ފަރާތުން ކޯސް ކާމިޔާބު ކަމާއެކު ނިންމާފައި ވާއިރު 30 ފަރާތުން އެކުއެކީގައި އެއްބަސްކިޔައިގެން ހަދިޔާއަށް ލިބުނު ފަހާފޮށިތަކާއި އަދި އެހެން ގޮތްގޮތުންވެސް ފަހާފޮށި ބޭނުންކޮށްގެން އޮންލައިން ވިޔަފާރިއެއް ކުރެވިދާނެއެވެ، ކައިރި ރަށްރަށުން ފެށިގެން ދުރު ރަށްރަށަށް އަދި ދެން ރާއްޖޭގެ އެކި ދިމަދިމާއަށްވެސް މިކަން ތަރައްގީ ކުރެވިދާނެއެވެ. ކުރިއަރަމުންދާ ޒަމާނާ އެއްވަރަށް ޓެކްނޮލޮޖީގެ ބޭނުން ކޮށްގެން މިފަދަ ކަންތައް ކުރުމުން ނަފާ ހޯދޭނެ މަގެއް އާރާސްތު ކުރެވިދާނެއެވެ. މިންނަތާއި ހިންމަތުން، މަސައްކަތްކޮށްފިނަމަ އިރާދަކުރައްވައިގެން ހާސިލު ނުވާނެ ކަމެއް އަދި ކާމިޔާބު ނުކުރެވޭނެ ކަމެއް ނޯންނާނެކަން ޔަގީނެވެ