ޑރ. އަބްދުއްސަމަދު މެމޯރިއަލް ހޮސްޕިޓަލަށް ޑރ. ދައްކަވަންދާ ފަރާތްތައް އެ ހޮސްޕިޓަލުގަ މަޑުކުރޭވޭ ވަގުތު ހެޔޮގޮތުގައި ބޭނުންހިފޭނެ ގޮތް ހެދުމަށްޓަކާ ފޮތް ކިޔާލެވޭނެ އިންތިޒާމު ހަމަޖައްސައިފިއެވެ.
ޗައިނާއިން ރާއްޖެއަށް ކަނޑައަޅުއްވާފައި ހުންނަވާ ސަފީރު ވަންގް ލިކްސިންގެ ތިނަދޫ އަށް ކުރެއްވި ދަތުރުފުޅުޅަށްފަހު އެކަމަނާ ވަނީ މި ރީޑިން ކޯނާރ ހުޅުވާދެއްވާފައެވެ. މި އިންތިޒާމު ހަމަޖައްސަވާފައިވާއިރު އެ ހޮސްޕިޓަލުން ބުނީ މިއީ އެ ހޮސްޕިޓަލަށް ދިރުން ގެނެސްދޭ ކަމެއްކަމަށާއި، އަލަށް ހުޅުވި ރީޑިން ކޯނަރއަކީ ހުރިހާ އުމުރުފުރައެއްގެ ފޮތްތަކާއި، ބޮޑެތި މީހުންނާއި ކުޑަކުދިންނަށް ހިތްހަމަޖެހޭ ގޮތަށް އިށީނދެތިބުމާއި، ފަސޭހައިން ފޯނު ޗާޖިންގެ ވަސީލަތްތަކާއެކު، ހެދިފައިވާ ފުރިހަމަ ތަނެއް ކަމަށެވެ.
“އަޅުގަނޑުމެންގެ ކަލެކްޝަން ކުރިއެރުވުމަށް ޓަކައި ފޮތެއް ނުވަތަ ދެ ފޮތެއް ހަދިޔާކުރުމަށް ވިސްނުމަށް ދައުވަތު އަރުވަން. ކޮންމެ ހަދިޔާއަކުން ވެސް އަހަރެމެންގެ ރީތި މުޖުތަމައުއަށް އިތުރު އެހީތެރިކަން ފޯރުކޮށްދެން” އަބްދުއްސަމަދު މެމޯރިއަލް ހޮސްޕިޓަލް
ބަލިމީހުންނާއި ހޮސްޕިޓަލަށް ޒިޔާރްތަކުރާ ފަރާތްތައް ހިތްފަސޭހަކަން ގެނެސްދެވޭތަނެއް ކަމަށްވެސް ވިދާޅުވިއެވެ.