އާބަން ސެންޓަރުގެ ގޮތުގައި ސަރުކާރުން ކަނޑައެޅި ރަށްތަކާ ގުޅިގެން އިދިކޮޅުން ދައްކަމުންގެންދާ ވާހަކަތަކަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު، ޖަވާބު ދެއްވީ އާބަންސެންޓަރުތަކާއި އިންޓަގްރޭޓަޑް ޑިވެލޮޕްމަންޓް ޒޯންގެ ތަފާތު ކިޔައިދެއްވުމުންނެވެ.
އާބަންސެންޓަރުގެ ގޮތުގައި ރައީސް ޑރ މުއިއްޒު ކަނޑައެޅުއްވި 7 ރަށެއް އިއުލާނު ކުރުމާއެކުހެން އެމްޑީޕީގެ ރައީސް، ވަނީ އާބަން ސެންޓަރުގެ ގޮތުގައި ކަނޑައެޅި ރަށްތަކުގެ ތެރޭގައި ރާއްޖޭގެ އުތުރާއި ދެކުނު ރަށްތައް ނެތުމުން ކަންބޮޑުވުން ފާޅުކުރައްވައި އާބަން ސެންޓަރުތަކުގެ ގޮތުގައި ހަމަޖެއްސި ލިސްޓުގައި ބައެއް ސަރަހައްދުތައް އުނިވި ސަބަބު ސަރުކާރުން ރައްޔިތުންނަށް ސާފުކޮށްދޭން ޖެހޭ ކަމަށާއި ދައުލަތުގެ ފައިސާ ހަރަދުކޮށްގެން ގައުމީ ތަރައްގީގެ ބޮޑެތި ޕްލޭންތަކެއް ހެދުމުގެ ބޭނުމެއް ނެތް ކަމަށެވެ.
މިސުވާލުތައް ފަތުރަމުންދާން ފެށުމުން ރައީސް ޑރ މުއިއްޒު ވަނީ އެކްސްގައި ޕޯސްޓެއް ކުރައްވާފައެވެ.
އެކްސްގައި ކުރެއްވި ޕޯސްޓުގައި އެމަނިކުފާނު ވަނީ، އާބަން ސެންޓަރުތަކާއި އިންޓަގްރޭޓަޑް ޑިވެލޮޕްމަންޓް ޒޯންގެ ތަފާތުތައް ކިޔައިދެއްވާފައެވެ.
ރައީސް މުއިއްޒު ވިދާޅުވީ އެމަނިކުފާނުގެ މެނިފެސްޓޯގެ ޗެޕްޓަރު ހަތަރެއްގެ 12 އިން ފެށިގެން 14ވަނަ ނަންބަރާއި ހަމައަށް ވަރަށް ސާފުކޮށް ދެމެހެއްޓެނިވި ސަރަހައްދީ ތަރައްގީގެ ސިޔާސަތުގެ ދަށުން މާލެ އާބަން ރީޖަންގެ އިތުރުން އެންމެ މަތީ ފަންތީގެ ހިދުމަތްތައް ހިމެނޭހެން، އެންމެ އުތުރުގެ ތިން އަތޮޅު ހިމެނޭހެން ނޮދަން އިންޓަގްރޭޓަޑް ޑިވެލޮޕްމަންޓް ޒޯނަކާއި އެންމެ ދެކުނުގެ 4 އަތޮޅު ހިމެނޭހެން ސަދަން އިންޓަގްރޭޓަޑް ޑިވެލޮޕްމަންޓް ޒޯނެއް ތަރައްގީ ކުރުމުގެ އިތުރުން 7 އާބަން ސެންޓަރެއް ތަރައްގީ ކުރުމަށް ހިމަނާފައިވާނެ ކަމަށެވެ.
ރައީސް މުއިއްޒު ވިދާޅުވީ އެމަނިކުފާނުގެ މެނިފެސްޓޯގެ ޗެޕްޓަރު 4ގެ 12 އިން 14ވަނަ ނަންބަރުގައި، ދެމެހެއްޓެނިވި ސަރަހައްދީ ތަރައްގީގެ ސިޔާސަތުގެ ދަށުން މާލެ އާބަން ރީޖަންގެ އިތުރުން އެހެން ސަރަހައްދުތަކެއް ތަރައްގީ ކުރުމަށް ހިމަނާފައިވާ ކަމަށެވެ. މީގެ ތެރޭގައި އެންމެ އުތުރުގެ ތިން އަތޮޅު ހިމެނޭހެން ނޮދަން އިންޓަގްރޭޓަޑް ޑިވެލޮޕްމަންޓް ޒޯނަކާއި، އެންމެ ދެކުނުގެ 4 އަތޮޅު ހިމެނޭހެން ސަދަން އިންޓަގްރޭޓަޑް ޑިވެލޮޕްމަންޓް ޒޯނެއް ތަރައްގީ ކުރުމުގެ އިތުރުން 7 އާބަން ސެންޓަރެއް ތަރައްގީ ކުރުން ހިމެނެއެވެ.
"އެއީ ސަރުކާރުގެ ސިޔާސަތު، އަދި މިކަންކަމަކީ ކުރިޔަށް 20 އަހަރު ދުވަހަށް އެކަށައަޅަން މަސައްކަތް ފަށާފައިވާ ތަރައްގީގެ މާސްޓާޕްލޭންގައި ރާއްޖޭގެ ހުރިހާ ރަށެއްގެ ރައްޔިތުންގެ ހިޔާލާއި، ފަންނީ ފަރާތްތަކާއި ކައުންސިލްތަކާއި ކަމާބެހޭ ހުރިހާ ފަރާތްތަކެއްގެ ބައިވެރިވުމާއެކު އެކަށައެޅުމަށް ގަސްދުކުރާ ކަންކަން،" ރައީސް ވިދާޅުވިއެވެ.
އެހެންނަމަވެސް، ރައީސް މުއިއްޒު ވިދާޅުވީ ކަންކަމުގެ ހަގީގަތް ނުބައްލަވާ، ނުވަތަ ހަގީގަތް އެނގިވަޑައިގެން ތިއްބަވައިގެން، ސިޔާސީ ފައިދާ ހޔާސީ ފައިދާ ހޯދުމުގެ ނިޔަތުގައި ސިޔާސީ ބައެއް ފަރާތްތަކުން ކުރައްވާ ކަންކަމަށް ޒިންމާ ވާނީ އެކަންކަން ކުރައްވާ ބޭފުޅުން ކަމަށެވެ.