މި ސަރުކާރުން މާލޭގެ ދެކުނަށް އޮންނަ ފުށިދިއްގަރުފަޅު ހިއްކައިގެން ތަރައްގީ ކުރަން ނިންމާފައިވާ ރަސްމާލެ އަލުން ހިއްކަން ފަށައިފިއެވެ. މި މައުލޫމާތު ހާމަކޮށްފައިވަނީ ހައުސިން ޑިވެލޮޕްމެންޓް ކޯޕަރޭޝަން (އެޗްޑީސީ) އިން އެކްސްގައި ކުރި ޕޯސްޓެއްގައެވެ.
ރަސްމާލެ މަޝްރޫއުގެ މަސައްކަތް ފުރަތަމަ ފެށިފައިވަނީ މިދިޔަ ޑިސެމްބަރު މަހުގެ ތެރޭގައެވެ. މި މަޝްރޫޢުގެ ދަށުން 1،153 ހެކްޓަރުގެ ބިން ހިއްކުމަށް ވަނީ ހަމަޖެހިފައެވެ. މި މަސައްކަތް ކުރުމަށް އާބަންކޯ އިން ހަވާލުކޮށްފައިވަނީ ސްރީ ލަންކާގެ ކެޕިޓަލް މެރިން އެންޑް ސިވިލް ކޮންސްޓްރަކްޝަން ކޮމްޕެނީ (ސީއެމްސީސީ) އާއެވެ.
ފުށިދިއްގަރުފަޅުން ހިއްކުމަށް ހަމަޖެހިފައިވާ ޖުމްލަ ބިމަކީ ހުޅުމާލޭގެ ދެ ފިޔަވަހި އެއްކޮށްލުމުން ވާވަރުގެ ތިން ގުނައެވެ. ސީއެމްސީސީ އަށް މިީ އަށް މި ޕްރޮޖެކްޓް ދީފައިވަނީ ބިން ހިއްކުމަށްދާ ފައިސާގެ ބަދަލުގައި މާލެ ސަރަހައްދުން 70 ހެކްޓަރުގެ ބިން 99 އަހަރަށް ދިނުމަށެވެ. މީގެ ތެރެއިން ފުށިދިއްގަރުން 60 ހެކްޓަރުގެ ބިމާއި ހުޅުމާލެއިން 10 ހެކއިން 10 ހެކްޓަރުގެ ބިން ދިނުމަށް ވަނީ ނިންމާފައެވެ.
ސަރުކާރުން ބުނާ ގޮތުގައި ރަސްމާލެ މަޝްރޫއަކީ ރައްޔިތުންނަށް ދިމާވެފައިވާ ބޯހިޔާވަހިކަމުގެ މައްސަލައަށް ޖުމްލަ ހައްލެއް ގެނެސްދޭނެ މަޝްރޫޢެކެވެ. މި އަހަރަށް ލަފާކޮށް ރައްޔިތުންގެ މަޖިލީހަށް ހުށަހެޅި ބަޖެޓުގައި މި ސަރުކާރުން އެދިގެން މި މަޝްރޫއަށް 400 މިލިއަން ރުފިޔާ ހިމަނާފައިވެއެވެ.
ނަމަވެސް، ރައީސް ޑރ. މުހައްމަދު މުއިއްޒު އިސްކޮށް ހުންނަވައި، މި މަޝްރޫޢު ބަޖެޓުގައި ޖެއްސެވުމަށް ހުށަހެޅުއްވުމުން އެމްޑީޕީން ކޮންޓްރޯލް ކުރާ މަޖިލީހުން މި މަޝްރޫއު ބަޖެޓުން އުނިކޮށް، އެ ފައިސާ ގުޅިފަޅާއި ގިރާވަރު އަދި އެހެނިހެން ތަރައްގީގެ މަޝްރޫއުތަކަށް ވަނީ ބަހާލާފައެވެ.