އިޒްރޭލް ޕާސްޕޯޓުގައި ރާއްޖެއަށް އެތެރެވުން މަނާކުރުމަށް އިމިގްރޭޝަން ގާނޫނަށް އިސްލާހު ގެނައުމަށް ހުށަހަޅާފައިވާ ބިލުގެ މަސައްކަތް ރައްޔިތުންގެ މަޖިލީހުގެ ސަލާމަތީ ހިދުމަތްތަކާ ބެހޭާ ބެހޭ ކޮމިޓީ (241 ކޮމިޓީ) އަށް އެޖެންޑާކޮށްފިއެވެ.
މި ބިލު އެޖެންޑާކޮށްފައި ވަނީ އަންނަ އަންގާރަ ދުވަހުގެ ހެނދުނު 9:00 ގައި ބޭއްވުމަށް ހަމަޖެހިފައިވާ 241 ކޮމިޓީގެ ބައްދަލުވުމަށެވެ.
ވަޒީރުންގެ މަޖިލީހުގެ މަޝްވަރާ އާއި ލަފާގެ މަތިން އިޒްރޭލް ޕާސްޕޯޓުގައި ރާއްޖެއަށް ނުވަދެވޭ ގޮތަށް އިމިގްރޭޝަން ގާނޫނަށް ގެންނަން ޖެހޭ ބަދަލުތައް ގެނައުމަށް ރައީސް ޑރ. މުހައްމަދު މުއިއްޒު ނިންމަވާފައިވަނީ މިދިޔަ ޖޫން މަހުގެ 2 ވަނަ ދުވަހުއެވެ. އެއަށްފަހު، ގަލޮޅު ދެކުނު ދާއިރާގެ މެންބަރު މީކާއީލް އަހުމަދު ނަސީމް ހުށަހެޅުއްވި ބިލު ބަލައިގަނެ، 241 ކޮމިޓީއަށް ފޮނުވާފައިވެއެވެ.
241 ކޮމިޓީގެ ނައިބު މުގައްރިރު، އިނގުރައިދޫ ދާއިރާގެ މެންބަރު އިބްރާހީމް ފަލާހް ވިދާޅުވި ގޮތުގައި، މި ކޮމިޓީއަކީ މަޖިލީހުގައި ތަމްސީލުކުރާ ހުރިހާ ސިޔާސީ ޕާޓީތަކެއްގެ މެންބަރުންގެ ބައިވެރިވުން އޮތް ކޮމިޓީއެކެވެ. އަދި ކަމާ ގުޅުންހުރި ފަރާތްތަކަށް ކޮމެންޓަށް ފޮނުވައި، އެ ފަރާތްތައް ހާޒިރުކޮށް މަޝްވަރާކޮށް ލަފަޔާއި އިރުޝާދު ހޯދާނެ ކަމަށް އޭނާ ވިދާޅުވިއެވެ.
ނަމަވެސް، ބަންޑާރަ ނައިބު އަހުމަދު އުޝާމް ވަނީ އިޒްރޭލް ޕާސްޕޯޓް އޮތް އެންމެނަށް ޖުމުލަ މާނައެއް ދިނުމުގެ ބަދަލުގައި ބިލުގައި އޮތް ގޮތް ބަދަލުކުރުމާ މެދު ވިސްނައި ދިރާސާ ކުރަން ޖެހޭނެ ކަމަށް ވިދާޅުވެފައެވެ.
ވެރިކަން ކުރާ މައި ޕާޓީ، ކޮންގްރެސް ޕާޓީގެ ޕީޖީ ލީޑަރު ފާހަގަކުރެއްވި ގޮތުގައި، އިޒްރޭލުން ފަލަސްތީނުގައި ހިންގަމުން އަންނަ ލާއިންސާނީ އަމަލުތައް ހުއްޓާލުމަށް ގޮވާލައްވާ ދުނިޔޭގެ އިސްވެރިންގެ ތެރެއިން އެންމެ ބޮޑަށް އަޑުއުފުއްލަވަމުން ގެންދަވަނީ ރާއްޖޭގެ ރައީސް ކަމަށާއި، ދިވެހި ސަރުކާރުން އިޒްރޭލުގެ ޕާސްޕޯޓު މަނާކުރުމަށް ނިންމާފައިވާކަން އޭނާ ފާހަގަކުރެއްވިއެވެ.