ރައީސުލްޖުމްހޫރިއްޔާ ޑރ. މުހައްމަދު މުއިއްޒު، ނޭޕާލްގެ ރައީސާ ބައްދަލު ކުރައްވައިފިއެވެ.
މި ބައްދަލުކުރެއްވުން ބާއްވާފައި ވަނީ ކޮޕް ސަމިޓުގެ ހަވާސާގެ ތެރެއިންނެެވެ.
ނޭޕާލުގެ ރައީސް ރާމަޗަންދްރަން ޕޯދެލްއާއެކު ބޭއްވި ބައްދަލު ކުރެއްވުމުގައި ރައީސުލްޖުމްހޫރިއްޔާ ވަނީ ނޭޕާލާއި ރާއްޖެއާ ދެމެދު އޮތް ގާތް ގުޅުމުގެ މައްޗަށް އަލި އަޅުއްވާލައްވާފައެވެ. އަދި ސިއްހާ ދާއިރާއިން ދެ ގައުމުގެ މެދުގައި އޮތް ގުޅުން އިތުރަށް ބަދަހިކުރުމާއި ގުޅޭގޮތުންވެސް ދެ ބޭފުޅުން މަޝްވަރާކުރެއްވިއެވެ.
މި ބައްދަލު ކުރެއްވުމުގައި މޫސުމީ މައްސަލަތަކާއި ދެކޮޅަށް ކުރާ މަސައްކަތް ހަލުވިކޮށް، އެކަމަށް ބޭނުންވާ މާލީ އެހީތެރިކަން އަވަސްކުރުމާއި ގުޅޭގޮތުންވެސް މަޝްވަރާކުރެއްވިއެވެ.