މިދިޔަ ދައުރުގައި ރާއްޖޭގެ ވެރިކަން ކުރި އެމްޑީޕީގެ ސަރުކާރުން ކުޑަ ރަށެއް ބޮޑު ރަށެއް ނުބަލައި ތަރައްގީކުރީކީ ނޫން ކަމަށާއި، ކުޑަ ކާށްޓެއް ބޮޑު ކާށްޓެއް ނުބަލައި ކައި ހުސްކުރީ ކަމަށް ރައްޔިތުންގެ މަޖިލީހުގެ ހޮޅުދޫ ދާއިރާގެ މެންބަރު ޢަބްދުއްސައްތާރު މުޙައްމަދު ވިދާޅުވެއްޖެއެވެ.
މެންބަރު ޢަބްދުއްސައްތާރު މިހެން ވިދާޅުވީ ރައްޔިތުންގެ މަޖިލީހުގެ މިއަދުގެ ޖަލްސާގައި، 2025 ވަނަ އަހަރަށް ލަފާކުރާ ދައުލަތުގެ ބަޖެޓަށް ވާހަކަ ދައްކަވަމުންނެވެ.
މެންބަރު ވިދާޅުވީ ރައީސް ޑރ. މުޙައްމަދު މުޢިއްޒުގެ
ސަރުކާރު ފުނޑިއްޖެއޭ، ފުނޑިއްޖެއޭ ކިޔައިގެން އެމްޑީޕީން ވާހަކަދައްކާއިރުގައި ހީނާފަތުން އޭގެ އަސްލު ކުލަ ވެސް އަންނަނީ ފުނޑިގެން ކަމެއް މި ބޭފުޅުންނަށް އެނގިވަޑައިނުގަންނަވާ ކަމަށެވެ.
އޭނާ ވިދާޅުވީ ރައީސް ޑރ. މުޢިއްޒު ކުރައްވާ މަސައްކަތަކީ
ދިވެހިރާއްޖެ އިސްލާހުކޮށް ހަމަ މަގަށް އަޅުވައި މި ވޭތުވެދިޔަ ތަނުގައި ތިއްބެވި 6 ރައީސުންނަށް އިސްލާހު
ނުކުރެއްވުނު ކަންތައްތައް އިސްލާހުކުރެއްވުން ކަމަށެވެ.
އެގޮތުން މިހާރު ހުށަހަޅާފައިވާ ބަޖެޓަކީ ދިވެހިރާއްޖެއަށް ދިމާވެފައިވާ ބޮޑެތި މައްސަލަތައް ހައްލުކުރުމަށްޓަކައި އެކަށީގެންވާ ބަޖެޓެއް ކަމަށް މެންބަރު ވިދާޅުވިއެވެ.
އެމްޑީޕީގެ ބޭފުޅުން އެއްގޮތަކަށް ވެސް މި ވޭތުވެދިޔަ ތަނުގައި ކުޑަ ރަށެއް ބޮޑު ރަށެއް ނުބައްލަވާ ތަރައްގީކުރެއްވީކީ ނޫން. ކުޑަ ކާށްޓެއް ބޮޑު ކާށްޓެއް ނުބައްލަވާ ޖެހުނުހާ ތަނަކުން ފަރިއްކުޅުއްވަމުން ވަޑައިގެންނެވީ.
ހަގީގަތުގައި ފުނޑުނީ ނުވަތަ ފުނޑެނީކީ ޕީއެންސީގެ ސަރުކާރެއް ނޫން ކަމަށާއި، ފުނޑިފައި އޮތީ އެމްޑީޕީގެ ސަރުކާރު ކަމަށް
މެންބަރު ޢަބްދުއްސައްތާރު ވިދާޅުވިއެވެ.