އަންނަ އަހަރަށް ލަފާކޮށް ހުށަހަޅާފައިވާ ދައުލަތުގެ ބަޖެޓަކީ
މިހާތަނަށް ރާއްޖޭގައި އެންމެ ގިނަ މަޝްރޫއުތައް ހިންގޭނެ ބަޖެޓު ކަމަށް ރައްޔިތުންގެ މަޖިލީހުގެ އިނގުރައިދޫ ދާއިރާގެ މެންބަރު އިބްރާހިމް ފަލާހް މިއަދު ވިދާޅުވެއްޖެއެވެ.
ރައްޔިތުންގެ މަޖިލީހުގެ މިއަދުގެ ޖަލްސާގައި، އަންނަ އަހަރަށް ލަފާކޮށް ހުށަހަޅާފައިވާ 56.6 ބިލިއަން ރުފިޔާގެ ބަޖެޓަށް ބަހުސްކުރައްވަމުން ފަލާހް ވިދާޅުވީ މި ބަޖެޓަކީ މިހާތަނަށް ރާއްޖޭގައި ހިންގޭ ތަރައްގީގެ އެންމެ ގިނަ މަޝްރޫއުތައް ހިންގޭނެ ބަޖެޓު ކަމަށެވެ.
އެހެންކަމުން ބަޖެޓާ ގުޅިގެން އެމްޑީޕީ މެންބަރުން ދައްކަވާ ވާހަކަ ގަބޫލުނުކުރުމަށް ފަލާހް އެދިވަޑައިގެންނެެވިއެވެ.
ފަލާހް ވިދާޅުވީ ބަޖެޓު ފޮތުން ފަރުވާ ނުލިބޭ، ބަޖެޓު ފޮތުން އެހީތެރިކަމެއް ނުލިބޭ އެއްވެސް ރައްޔިތަކު ނުހުންނާނެ ކަމަށެވެ.
ރައީސް މުޢިއްޒަކީ ރައްޔިތުންނަށް ޚިދުމަތްކުރުމުގަ ނަމޫނާ ރައީސެއްކަން ވެސް އޭނާ ފާހަގަކުރެއްވިއެވެ.