ޒުވާނުން ކުރިއަރަން ބޭނުންވާ ކަންކަމާ ތަހައްމަލު ކުރަންޖެހޭ ކަންތައްތައް ވަރަށް ރަނގަޅަށް އެނގޭ ކަމަށް ޔޫތު މިނިސްޓަރު އިބްރާހީމް ވަހީދު ވިދާޅުވެއްޖެއެވެ.
މިނިސްޓަރު އިބްރާހީމް ވަހީދު މިހެން ވިދާޅުވީ “ދިވެހިޗެނެލް” އަށް ދެއްވި ޙާއްސަ ބަސްދީގަތުމެއްގައެވެ.
އަސްވާޑް ވިދާޅުވީ އެމަނިކުފާނަކީވެސް ޒުވާނެއް ކަމަށާއި ޒުވާނުންގެ އިހުސާސްތައް ވަރަށް ރަނގަޅަށް އެގޭ ކަމަށެވެ. އަދި އެމަނިކުފާނު ހުންނެވީ ޒުވާނުންނަށް އެހީދެތެރިވެދޭން ތައްޔާރަށް ކަމަށް ވެސް ވިދާޅުވިއެވެ.
މީގެ އިތުރުން ފާހަގަކުރެއްވީ ޒުވާނުންގެ ބޭނުންތައް ވަރަށް ރަނގަޅަށް ފުއްދުމުގައ މިނިސްޓްރީ އޮތީ ތައްޔާރަށް ކަމަށެވެ.
އެއްވެސް ޒުވާނަކު ބާކީ ނުވާނެހެން ގައުމު ތަރައްގީކުރުމުގެ ކަންކަންކުރިއަށް ގެންދެވޭނެ ކަމަށްވެސް ވިދާޅުވިއެވެ. އަދި އަހަރެއް ފާއިތުވެފައިވާއިރު އެންމެ ބޮޑު އިސްކަމެއދީފައިވަނީ ޒުވާނުން ބާރުވެރިކޮށް އެޒުވާނުންގެ ހުނަރު ދެނެގަނެ ކުރިއަށްދިއުން ކަމަށްވެސް ވިދާޅުވިއެވެ.