މަސްވެރިންގެ ދުވަސް ފާހަގަ ކުރުމަށް ފިޝަރީޒް މިނިސްޓްރީން ބާއްވާ އެގްޒިބިޝަނަށް އާޓްވޯކު ހުށަހެޅުމުގެ މުއްދަތު އިތުރުކޮށްފިއެވެ.
މި އަހަރުގެ މަސްވެރިންގެ ދުވަސް ފާހަގަ ކުރުމަށް މާލޭގައި އާޓް އެގްޒިބިޝަނެއް ބާއްވަން ނިންމާފައިވަނީ ޑިސެންބަރު 12 އިން 14 އަށެވެ.
މިނިސްޓްރީން މިއަދު ބުނީ މި އެގްޒިބިޝަނަށް އާޓްވޯކު ހުށަހެޅުމުގެ މުއްދަތު ނޮވެމްބަރު މަހުގެ 26 ވަނަ ދުވަހުގެ 14:00 ގެ ނިޔަލަށް މިހާރު އިތުރުކުރެވިފައިވާ ކަމަށެވެ.
މި އާޓް އެގްޒިބިޝަންގައި ބައިވެރިވާން ބޭނުންވާ ފަރާތްތައް ކަމާގުޅޭ ފޯމް https://forms.gle/WGtdvzT3zNKXLzFT7 ފުރިހަމަ ކުރެއްވުމަށްފަހު ސުންގަޑީގެ ކުރިން މި މިނިސްޓްރީއަށް ހުށަހެޅުއްވުމަށް ވަނީ އެދިފައެވެ.
މިކަމާ ގުޅޭ އިތުރު މައުލޫމާތު އަދި އިރުޝާދު ވަނީ މިނިސްޓްރީން ގެޒެޓްގައި ޝާއިއުކުރި އިއުލާނާއެކު އެއްކަރުދާސްކޮށްފައެވެ.