ެަގަބޫލު ކުރައްވަނީ، މަޖިލީހަށް މެންބަރަކު ހޮވާ ދާއިރާގެ ރައްޔިތުންގެ ވޯޓުގެ އަގުލަބިއްޔަތުން ގޮނޑި ގެއްލޭ ގޮތަށް އޮތުން ކަމަށް ވެރިކަންކުރާ ޕާޓީ ޕީއެންސީގެ ހުރާ ދާއިރާގެ މެންބަރު ޑރ. އަނާރާ ނައީމު ވިދާޅުވެއްޖެއެވެ.
މެންބަރު ޑރ. އަނާރާ މިހެން ވިދާޅުވީ ރައްޔިތުންގެ މަޖިލީހުގެ މިއަދުގެ ޖަލްސާގައި، މަޖިލިސް މެންބަރުކަން ގެއްލޭނެ ގޮތްތަކާ ގުޅޭ ގޮތުން ގާނޫނުއަސާސީއަށް އިސްލާހު ގެނައުމަށް ހުށަހެޅިފައިވާ ބިލުގެ ބަހުސްގައި ވާހަކަފުޅު ދައްކަވަމުންނެވެ.
ޑރ. އަނާރާ ވިދާޅުވީ މަޖިލިސް މެންބަރުކަން ގެއްލޭނީ އެ މެންބަރަކު ތަމްސީލުކުރާ ދާއިރާގެ ރައްޔިތުންގެ އަޣުލަބިއްޔަތުން އެކަމަށް ވޯޓު ދިނުމުން ކަމަށް ޤާނޫނުއަސާސީގައި ބަޔާންކުރަން ޖެހޭނެ ކަމަށެވެ. މިއީ މިހާރު ހުށަހެޅިފައިވާ އިޞްލާޙުގައި ހިމެނިފައިނުވާ ކަމެކެވެ.
ސަރުކާރުގެ ފަރާތުން މި ބިލު މަޖިލީހަށް ހުށަހެޅުއްވީ ހުޅުދޫ ދާއިރާގެ މެންބަރު މުޙައްމަދު ޝާހިދެވެ. މި ބިލުގައި ހުށަހަޅާފައިވަނީ، ވަކި ސިޔާސީ ޕާޓީއެއްގެ ފަރާތުން އިންތިޚާބުވެފައިވާ މެންބަރަކު އެ ޕކު އެ ޕާޓީން ވަކިވުމުން ނުވަތަ އެހެން ޕާޓީއަކަށް ބަދަލުވުމުން މަޖިލިސް މެންބަރުކަން ގެއްލޭނެ ކަމަށެވެ. އަދި އަމިއްލަގޮތުން އިންތިޚާބުވެފައިވާ މެންބަރަކު ސިޔާސީ ޕާޓީއަކާ ގުޅުމުން ވެސް މެންބަރުކަން ގެއްލޭނެ ކަމަށް ބަޔާންކޮށްފައިވެއެވެ.
މި ބިލަކީ މިދިޔަ 19 ވަނަ މަޖިލީހުގައި ފާސްކޮށްފައިވާ އެންޓި ޑިފެކްޝަން ޤާނޫނުގައި ހުރި ހުސްކަމެއް ފޫބެއްދުމަށް ހުށަހަޅާފައިވާ ބިލެކެވެ. އެންޓި ޑިފެކްޝަން ޤާނޫނުގައި މެންބަރަކު ޕާޓީން އިސްތިއުފާ ދޭންޖެހޭ ހާލަތްތައް ބަޔާންކޮށްފައިވީ ނަމަވެސް، އިސްތިއުފާ ނުދީފިނަމަ ވާނެ ގޮތެއް ބަޔާންކޮށްފައެއް ނުވެއެވެ.