ރާއްޖޭގެ ޓިވެޓް ޕްރޮގްރާމްތަށް ކުރިއެރުވުމަށް ހަޔަރ އެޑިޔުކޭޝަނުން އޮސްޓްރޭލިޔާއަށް ޒިޔާރަތް ކޮށްފިއެވެ.
މިނިސްޓްރީން ބުނީ މިނިސްޓްރީ އޮފް ހަޔަރ އެޑިޔުކޭޝަން، ލޭބަރ އެންޑް ސްކިލްސް ޑިވެލޮޕްމަންޓް އަދި އެ ވުޒާރާގެ ދަށުން މަސައްކަތްކުރަމުންދާ މޯލްޑިވިސް ނެޝަނަލް ސްކިލްސް ޑިވެލޮޕްމަންޓް އޮތޯރިޓީ (އެމްއެންއެސްޑީއޭ)، މޯލްޑިވިސް ޕޮލިޓެކްނިކް އަދި ހއ. ޓެކްނިކަލް އިންސްޓިޓިއުޓް އިން ވަނީ ރާއްޖޭގައި ކުރިއަށްގެންދާ ޓެކްނިކަލް އެންޑް ވޮކޭޝަނަލް އެންޑް ޓްރެއިނިންގ (ޓިވެޓް) ޕްރޮގްރާމްތަށް ކުރިއެރުވުމަށް އަމާޒުކޮށް، އޮސްޓްރޭލިޔާގެ ވަޓްވެޓް ޕްރޮގްރާމްގެ ދަށުން ތަމްރީނުވުމަށް އޮސްޓްރޭލިޔާއަށް ޒިޔާރަތްކޮއްފައެވ
ދަ ވެސްޓް އޮސްޓްރޭލިއަން ޓެކްނިކަލް، ވޮކޭޝަނަލް އެޑިޔުކޭޝަން އެންޑް ޓްރެއިނިންގ (ވަޓްވެޓް)ގެ މަޤްސަދަކީ އޮސްޓްރޭލިޔާގައި މަތީ ތަޢުލީމާއި ތަމްރީނުތަށް ފޯރުކޮއްދޭ، ތަޖުރިބާކާރު ބޭފުޅުން މެދުވެރިކޮށް، ދުނިޔޭގެ އެކި ކަންކޮޅުތަކުގައި ޓިވެޓް ޕްރޮގްރާމްތަށް ކުރިއަށްގެންދާ ފަރާތްތަކަށް ތަމްރީނު ފޯރުކޮއްދިނުމެވެ. އެގޮތުން، ވަޓްވެޓްގެ ފަރާތުން ވަނީ ދިވެހިރާއްޖޭގެ ޓިވެޓް ޕްރޮގްރާމްތަކުގެ ފެންވަރު ރަނގަޅުކުރުމަށް، 3 ދުވަހުގެ ތަމްރީން ޕްރޮގްރާމެއްގައި ބައިވެރިވުމުގެ ފުރުޞަތު ދެއްވާފައެވެ.
މި ތަމްރީނު ދަތުރުފުޅުގައި، ހއ. ޓެކްނިކަލް އިންސްޓިޓިއުޓްގެ މެނޭޖަރ، މުޙައްމަދު ނާސިޙް، މޯލްޑިވިސް ޕޮލިޓެކްނިކްގެ ސީއީއޯ ޛޫޝާން ކަމާލުއްދީންގެ އިތުރުން އެމްއެންއެސްޑީއޭގެ ސީއީއޯ، ޑރ.ޒަހްރާ މުޙައްމަދު ވަނީ ބައިވެރިވެވަޑައިގަންނަވައިފައެވެ.