ސަރުކާރަށް އެއް އަހަރު ފުރުމުގެ މުނާސަބަތުގައި މޫސުމީ ބަދަލުތަކާއި ތިމާވެއްޓާއި ހަކަތައާ ބެހޭ ވުޒާރާއިން “އާއިލީ ހަވީރު” މިނަމުގައި ހާއްސަ އިވެންޓެއް އިއްޔެ ބާއްވައިފިއެވެ.
މި އިވެންޓް ބޭއްވުނީ އިއްޔެ ހަވީރު މިފްކޯ މަސް ފިހާރަ ކުރިމަތީގައި އޮންނަ ޓާފް ދަނޑުގައެވެ. މި ހަވީރުގައި ކުޑަކުދިންނާއި އެކި އުމުރުފުރާގެ ގިނަ އަދަދެއްގެ މީހުން ބައިވެރިވިއެވެ.
އާއިލީ ހަވީރުގެ ހަރަކާތްތަކުގެ ތެރޭގައި ކުޑަކުދިންނަށް ޚާއްޞަ ކުޅިވަރުތަކާއި، ބޮޑެތި މީހުންނަށް އަމާޒުކޮށްގެން ބޭއްވި މުނިފޫހިފިލުވުމުގެ ހަރަކާތްތައް ހިމެނެއެވެ. މީގެ އިތުރުން، ތިމާވެއްޓާ ގުޅޭ ވަރަށް ގިނަ މަޢުލޫމާތުތައް ވެސް އާންމުންނާ ހިއްސާކޮށްފައިވެއެވެ.
މޫސުމީ ބަދަލުތަކާއި ތިމާވެއްޓާއި ހަކަތައާ ބެހޭ ވުޒާރާގެ ފަރާތުން މި ނޫސްވެރިޔާއަށް މަޢުލޫމާތު ދެއްވަމުން ވިދާޅުވީ، ކުރިއަށް އޮތް ތަނުގައި ވެސް މިފަދަ ހަރަކާތްތައް ގިނަގިނައިން ބޭއްވޭނެ ކަމަށް އުންމީދުކުރާ ކަމަށެވެ. އަދި މި އިވެންޓް ކާމިޔާބުކޮށްދެއްވުމަށް އެހީތެރިވެދެއްވި އެންމެހާ ފަރާތްތަކަށް ޝުކުރު އަދާކުރެއްވިއެވެ.
މި އިވެންޓަކީ ސަރުކާރުގެ އެއް އަހަރުގެ ފުރަތަމަ އަހަރު ފާހަގަކުރުމުގެ ގޮތުން ބޭއްވުނު ގިނަ ހަރަކާތްތަކުގެ ތެރެއިން އެއް ހަރަކާތެވެ. މި ހަރަކާތުން ފެނިގެންދިޔައީ ސަރުކާރުން ތިމާވެށި ރައްކާތެރިކުރުމަށާއި، އާއިލާތައް ގުޅުވައިދިނުމަށް ދެއްވާ އަހައްމިއްޔަތުކަމެވެ.