ދެން އޮންނަ ރިޔާސީ އިންތިޚާބުގައިވެސް ޕީޕަލްސް ނޭޝަނަލް ކޮންގްރެސް (ޕީއެންސީ) ގެ ރިޔާސީ ކެންޑިޑޭޓަކީ ރައީސް ޑރ. މުހައްމަދު މުއިއްޒު ކަމަށް އެ ޕާޓީގެ ޗެއާޕާސަން އަބްދުއްރަހީމް އަބްދުﷲ މިރޭ ވިދާޅުވެއްޖެއެވެ.
އަބްދުއްރަހީމް މިކަން ހާމަކުރެއްވީ މިއަދު ކުރިއަށް ދިޔަ ޕީއެންސީގެ އެތެރޭގެ އިންތިހާބަށްފަހު އެ ޕާޓީގެ އޮފީހުގައި ބޭއްވި ނޫސްވެރިންގެ ބައްދަލުވުމެއްގައެވެ.
"ޕީއެންސީގެ އަސާސީ ގަވާއިދުގައި ބުނަނީ ޕީއެންސީގެ ޓިކެޓުގައި ނިކުމެވަޑައިގެން ރާއްޖޭގެ ވެރިކަމަށް ވަޑައިގަންނަވާ ބޭފުޅަކީ އެ މަގާމުގައި ހުންނަ ދެވަނަ ދައުރަކަށް ކުރިމަތިލައްވަން ބޭނުންފުޅުވާނަމަ ރިޔާސީ ޕްރައިމަރީއަކާ ނުލައި އެ ޓިކެޓް އެ ބޭފުޅަކަށް ލިބިވަޑައިގަންނަވާނެ ކަމަށް، އެހެންވީމާ ޕްރައިމަރީ ބާއްވަން ޖެހޭ ކަމެއް ނޫން،" އަބްދުއްރަހީމް ވިދާޅުވިއެވެ.
ޕީއެންސީގެ އަސާސީ ގަވާއިދުގައި ބުނާ ގޮތުން ރައީސުލްޖުމްހޫރިއްޔާކަމުގެ މަގާމުގައި ހުރި އެ ޕާޓީގެ މެންބަރަކު، ރިޔާސީ ދެވަނަ ދައުރަކަށް ކުރިމަތިލުމަށް ޕާޓީގެ މެންބަރުންގެ މަޖިލީހަށް ހުށަހަޅައިފިނަމަ އެ މެންބަރަކަށް ރިޔާސީ ޕްރައިމަރީއަކާ ނުލައި ޕާޓީގެ ރިޔާސީ ޓިކެޓު ދިނުމަށް ޕާޓީގެ މެންބަރުންގެ މަޖިލީހުގެ ސިއްރު ވޯޓަކުން ނިންމިދާނެއެވެ.
ޕީއެންސީއަކީ ކުރީގެ ރައީސް އަބްދުﷲ ޔާމީން އުފެއްދެވި ޕްރޮގްރެސިވް ޕާޓީ އޮފް މޯލްޑިވްސް (ޕީޕީއެމް) ގެ ލީޑަރޝިޕާއީޑަރޝިޕާއި އެމަނިކުފާނާ ދެމެދު ކުރިމަތިވި ނުތަނަވަސްކަމުގެ ތެރެއިން އުފެދުނު ޕާޓީއެކެވެ. ރައީސް މުޢިއްޒު ވެރިކަމަށް އިންތިޚާބުވެވަޑައިގެންނެވީ ޕީޕީއެމްގެ ޓިކެޓުގައެވެ. ޖަލު ޙުކުމެއް އޮތުމުން އިންތިޚާބުގައި ވާދަނުކުރެއްވޭނެކަމަށް ސުޕްރީމް ކޯޓުން ޙުކުމް ކުރުމުން، ޔާމީނަށް ރިޔާސީ އިންތިޚާބުގައި ވާދައެއް ނުކުރެއްވުނެވެރެއްވުނެވެ.
ޕީއެންސީގެ ޗެއާޕާސަން އަބްދުއްރަހީމް ވިދާޅުވެފައިވާ ގޮތުން އެ ޕާޓީގެ މެންބަރުންާޓީގެ މެންބަރުންގެ އަދަދު ލައްކައަކާ ވަނީ ގާތްކޮށްފައެވެ. އެކަމަކު އިލެކްޝަން ކޮމިޝަންގެ ދަފްތަރު ދައްކާ ގޮތުން ޕީއެންސީގައި މި ވަގުތު ތިބީ 28,983 މެންބަރުންނެވެ. ޕާޓީއަށް މެންބަރުން އިތުރުކުރުމުގެ މަސައްކަތް ކުރަމުންދާއިރު ޕީޕީއެމް އުވާލުމުގެ މަސައްކަތްވެސް ކުރިއަށް އެބަދެއެވެ.