ގއ ނިލަންދޫ ކައުންސިލުން އިންތިޒާމްކޮށްގެން ބާއްވަމުން އަންނަ " ރާވެރިޔާ ވޮލީ މުބާރާތުގެ އަންހެން ޑިވިޝަންގައި މާމެންދޫ އަންހެން ވޮލީ ޓީމާޢި، ވިލިނގިލީ ވޮލީބޯލް ކުލަބު ވާދަކުރި މެޗު މާމެންދޫ އަންހެން ވޮލީޓީމް އިން ކާމިޔާބު ކޮށްފިއެވެ.
ނިލަންދޫ ރަސްމީ ވޮލީކޯޓުގައި ކުރިއަށްދިޔަ މިމެޗު ދާންދޫ ސްޕޯޓްސް ކުލަބް އިން ކާމިޔާބު ކުރީ ސީދާ ތިން ސެޓުންނެވެ. މިމެޗުން މޮޅުވުމާއި އެކު މާމެންދޫއަށް ދެންބާކީ އޮންނާނީ ބާކީ އެއް މެޗެވެ.
މެޗުގެ 3 ސެޓުގައިވެސް ވިލިނގިލީ ވޮލީބޯލް ޓީމްގެ ފަރާތުން މާ އެދެވޭ ކުޅުމެއް ދެއްކިފައިނުވެއެވެ. ފުރަތަމަ ސެޓު 25/17 ކާމިޔާބު ކުރިއިރު ދެވަނަ ސެޓު މާމެންދޫ ވޮލީޓީމް އިން ގެންދިޔައީ 25/11 އިންނެވެ. އަދި ފަހު ސެޓު ކާމިޔާބު ކުރީ 25/14 އިންނެވެ.
މިމެޗުން ވިލިނގިލީ ވޮލީ ކުލަބު ބަލިވުމުން އެޓީމަށް ސެމީއަށް ދިއުމުގެ އަމިއްލަ ބާރު ގެއްލުނީއެވެ. މިމެޗުގެ މޮޅުކުޅުންތެރިޔަކަށް ހޮވުނީ މާމެންދޫ ވޮލީޓީމްގެ ޖާޒީ ނަންބަރު 7 ފާތުމަތު ނުސްރާއެވެ.
މި މެޗާއި އެކު އަންހެން ޑިވިޝަންގައި ބާކީ އޮންނާނީ ތިން މެޗެވެ. އެއީ ޓޮޕް ބްރަދާސް އަދި ކޮނޑޭ ވޮލީ ކްލަބް ވާދަކުރާ މެޗާއި ވިލިނގިލީ ވޮލީބޯލް ކުލަބާއި ކޮނޑޭ ވޮލީ ކުލަބު މެޗުގެ އިތުރުން ޓޮޕް ބްރަދާސް އަދި މާމެންދޫ ވޮލީޓީމް ވާދަކުރާ މެޗެވެ.
2022 ގައި ބޭއްވުނު މުބާރާތުގައި ޖުމްލަ 11 ޓީމް ބައިވެރިވިއެވެ. އެއީ ފިރިހެން 4 ޓީމްގެ އިތުރުން އަންހެން 7 ޓީމެވެ. 2023 ވަނަ އަހަރު މުބާރާތުގައި 13 ޓީމްއަކުން ބައިވެރިވި އިރު އަންހެން 6 ޓީމް އަދި ފިރިހެން 7 ޓީމް ބައިވެރިވެފައިވެއެވެ. މިދިޔަ އަހަރުގެ އަންހެން ޑިވިޝަންގެ ޗެމްޕިއަނުންނަކީ ކަނޑުހުޅުދޫ އަންހެން ވޮލީބޯލަ ޓީމެވެ. ފިރިހެން ޗެމްޕިއަނުންނަކީ ބޮން ބޮން ސްޕޯޓްސް ކުލަބެވެ.
2022 ވަނަ އަހަރު މިމުބާރާތުގެ ފިރިހެން ޑިވިޝަން ޗެމްޕިއަންކަން ބޮން ބޮން ސްޕޯޓްސް ކުލަބު ހޯދިއިރު އަންހެން ޑިވިޝަން ޗެމްޕިއަން ޓީމަކީ ގެމަނަފުށި ވޮލީބޯލަ ޓީމެވެ.
މިމުބާރާތް ކުރިޔަށް ގެންދިޔުމަށް ހަމަޖެހިފައިވަނީ އަންހެން އަދި ފިރިހެން ދެ ޑިވިޝަނަށް ބަހާލައިގެންނެވެ. އަދި ކޮންމެ ޑިވިޝަނެއްގެ ޗެމްޕިއަން ޓީމަށް 20,000/- (ވިހިހާސް) ރުފިޔާގެ އަދި ކޮންމެ ޑިވިޝަނެއްގެ ރަނަރަޕް ޓީމަށް 10,000 (ދިހަހާސް) ރުފިޔާގެ ފައިސާގެ އިނާމް ދިނުމަށްވަނީ ހަމަޖެހިފައެވެ.