ސިނަމާލެ ބުރިޖާ ގުޅިފައިވާ ހައިވޭގައި ހިނގި އެކްސިޑެންޓަކަ ފިލައިގެން ދިޔަ، ގަވާއިދާ ހިލާފަށް އޯވާ ޓޭކް ކުރުމުގެ ތެރެއިން އެކްސިޑެންޓެއް ވުމުން މަޑުނުކޮށް ފިލި 22 އަހަރުގެ ދިވެހި ޒުވާނަކު ހައްޔަރުކޮށްފިއެވެ.
މި އެކްސިޑެންޓް ހިނގާފައިވަނީ އިއްޔެ މެންދުރުފަހު 2:43 ހާއިރު، ބާރު ސްޕީޑުގައި ގަވާއިދާ ޚިލާފަށް އޯވަރޓޭކް ކުރި ސައިކަލެއް އެހެން ސައިކަލެއްގައި ޖެހުމުންނެވެ.
ފުލުހުން މަޢުލޫމާތު ދިން ގޮތުގައި، މި އެކްސިޑެންޓުގައި ބާރު ސްޕީޑުގައި ދުއްވަމުން ދިޔަ ސައިކަލުގައި ތިބި ދެ މީހުންނަށް އަނިޔާވެ، އެ ދެ މީހުން ވަނީ ހުޅުމާލެ ހޮސްޕިޓަލަށް ގެންގޮސްފައެވެ. އޭގެ ތެރެއިން އަންހެން މީހާއަށް އަދިވެސް ހޮސްޕިޓަލުގައި ފަރުވާ ދެމުން ގެންދާއިރު، ފިރިހެން މީހާ ވަނީ ފަރުވާ ދިނުމަށްފަހު ދޫކޮށްލާފައެވެ.
މި މައްސަލައާ ގުޅިގެން ފުލުހުން ހައްޔަރުކޮށްފައިވަނީ ބ. އޭދަފުށި/ ފަސްމީރުގެ، ޝުނާން މުހައްމަދު (22 އަހަރު) އެވެ. ފުލުހުން ބުނާ ގޮތުގައި، ޝުނާން ހައްޔަރުކޮށްފައިވަނީ އެކްސިޑެންޓް ވުމުން ވެސް މަޑުނުކޮށް ފިލައިގެން ދިޔުމުންނެވެ.
މިއަދު ކޯޓަށް ހާޒިރުކޮށް ޝުނާންގެ ބަންދާމެދު ގޮތެއް ނިންމުމަށް ހުށަހެޅު ހުށަހެޅުމުން، އޭނާ 5 ދުވަހުގެ މުއްދަތަށް ބަންދުގައި ބެހެއްޓުމަށް ކޯޓުން ވަނީ އަމުރުކޮށްފައެވެ.