ރައްޔިތުންގެ މަޖިލީހުގައި އެމްޑީޕީ މެންބަރުން މަސައްކަތް ކުރަމުންދަނީ ވަރަށް ޒިންމާދާރުކަން ކުޑަގޮތެއްގައި ކަމަށް ވެލިދޫ ދާއިރާގެ މެންބަރު މުޙައްމަދު ޢައްބާސް ވިދާޅުވެއްޖެއެވެ.
މޯލްޑިވްސް ޑިވެލޮޕްމަންޓް އެލަޔަންސް (އެމްޑީއޭ) ގެ މެންބަރު ޢައްބާސް މިހެން ވިދާޅުވީ ރައްޔިތުންގެ މަޖިލީހުގެ މިއަދުގެ ޖަލްސާގައި ވާހަކަ ދައްކަވަމުންނެވެ.
އަޅުގަނޑު މިއަދު ވަރަށް ހިތާމައާއެކު ދަންނަވާލަން އޮޕޮޒިޝަން ޕާޓީ އެމްޑީޕީ ޒިންމާދާރުކަމާއެކީ މި އިއްޒަތްތެރި މަޖިލީހުގައި މަސައްކަތް ނުކުރާކަން. އަދި ހުށަހެޅިފައިވާ ބިލުތަކަށާއި ނިމިފައިވާ ބިލުތަކަށް ބަހުސްކުރުމުގައި ވަރަށް ޒިންމާދާރުކަން ކުޑަގޮތެއްގައި މި އިއްޒަތްތެރި މަޖިލީހުގައި އަމަލުކުރަމުން އެދަނީ.
އެހެން އެކަން ނުކުރުމަށް 12 މެންބަރުން ހިމެނިވަޑައިގަންނަވާ އެމްޑީޕީގެ ޕާލަމެންޓްރީ ގުރޫޕަށް ޢައްބާސް ވަނީ ގޮވާލައްވާފައެވެ.
މީގެއިތުރުން ޢައްބާސްގެ ވާހަކައިގައި ވަނީ ސަރުކާރުތަކުން ކުރަމުން އައި ވައްކަންތަކުގެ މައްޗަށް އަލިއަޅުވައިލައްވާފައެވެ.
އޭނާ ވިދާޅުވި ގޮތުގައި ވައްކަން ކޮށްފައިވަނީ އެމްޑީޕީގެ ސަރުކާރުތަކުންނެވެ.