ތިލަމާލެ ބުރިޖު މަޝްރޫއުގެ ދަށުން ގުޅިފަޅު-ތިލަފުށި ދެމެދު ކަނޑުގައި ތަނބުތައް ޖެހުމުގެ މަސައްކަތް ކުރާތީ އެ ސަރަހައްދުން ދަތުރުކުރުން މަނާކޮށްފިއެވެ.
ޓްރާންސްޕޯޓް މިނިސްޓްރީން މިއަދު ކުރި އިއުލާނެއްގައި ބުނީ ގުޅިފަޅު-ތިލަފުށި ދެމެދު ކަނޑުގައި ތަނބުތައް ޖެހުމުގެ މަސައްކަތް މި މަހުގެ 5 ގައި ފެށުމަށް ހަމަޖެހިފައިވާކަމަށް ކޮންސްޓްރަކްޝަން މިނިސްޓްރީން އަންގާފައިވާ ކަމަށެވެ.
އެހެންކަމުން ގުޅިފަޅު–ތިލަފުށި ޗެނަލް މި މަހުގެ 5 ވަނަ ދުވަހުން ފެށިގެން ބަންދުކުރާނެ ކަމަށާއި، ކަނޑު އުޅަނދުފަހަރު މި ސަރަހައްދުން ދަތުރު ނުކުރުމަށް އަންގާ ކަމަށެވެ.
މާލެ-ވިލިމާލެ އަދި ވިލިމާލެ-ގުޅިފަޅު މި ޗެނަލް ތައްވެސް ބަންދު ކޮށްފައިވާތީ މި ސަރައްދުން ދަތުރު ނުކުރުމަށް ވެސް ޓްރާންސްޕޯޓް މިނިސްޓްރީން ވަނީ އަންގާފައެވެ.
ތިލަމާލެ ބުރިޖު މަޝްރޫއުގެ %46.58 މަސައްކަތް މިހާރު ވަނީ ނިމިފައެވެ. ސަރުކާރުގެ އަމާޒަކީ 2026 ގައި މަޝްރޫއު އެއްކޮށް ނިންމާލުމެވެ.