އާސަންދަ ކަވަރު ނުކުރާ ބޭހެއް ނަމަ "ނޮޓް ކަވާޑް" މިހެން ލިޔެފައި އޮންނާނެ ކަމަށާއި އެގޮތަށް ލިޔެފައި ނެތް ބޭހަކަށް ފައިސާ ދައްކަން ޖެހިއްޖެ ނަމަ ވަގުތުން ރިޕޯޓު ކުރެވޭނެ ކަމަށް އާސަންދައިން ބުނެފިއެވެ.
އާސަންދަ އިން ސޯޝަލްމީޑިއާގައި ކޮށްފައިވާ ޕޯސްޓެއްގައި ބުނީ އާސަންދައިން ހިލޭ ނުލިބޭނެ ބޭހެއް ނަމަ "ނޮޓް ކަވާޑް" މިހެން ލިޔެފައި އޮންނާނެ ކަމަށެވެ.
އާސަންދައިން ގިނަ ބޭސްތައް ހިލޭ ނުލިބޭ ކަމަށާއި ފައިސާ ދީފައި ގަންނަން ޖެހޭ ވާހަކައަކީ އާންމުކޮށް އިވޭ ވާހަކައެކެވެ. އަދި އެފަދައިން ގަންނަން ޖެހޭ ބޭސްތަކަކީ އާސަންދައިން ދޭ ބޭސްތަކެއްކަމަށްވެސް ބައެއް ފަރާތްތަކުން ބުނެއެވެ. އަދި އަނެއްބަޔަކު ބުނާ ގޮތުގައި ކުރިން އާސަންދައިން ލިބުނު ބޭސް މިހާރު ނުލިބއެވެ. ބޭސް ނުލިބޭ ކަމުގެ މިފަދަ ޝަކުވާތަކަށް އާސަަންދައިން މިވަނީ އެދެވޭ ހައްލެއް ހޯދައިދީފައެވެ.
އާސަންދަ ފޭސްބުކް ޕޯސްޓު / އާސަންދައެފްބީ
އާސަންދައިން ފޭސްބުކް އޮފިޝަލް ޕޭޖުގައި ކޮށްފައިވާ ޕޯސްޓުގައި ބުނެފައިވާ ގޮތުގައި އާސަންދައިން ހިލޭ ލިބެން ޖެހޭ ބޭސްތައް އެނގޭނެހެން ނޮޓްކަވާޑް ޖަހާފަައިވާ ބޭސްތައް އެއީ އަގުދީގެން ގަންނަން ޖެހޭ ބޭސްތަކެވެ. އަދި އެހެން ނުޖަހާ ހުރި ބޭހެއްނަމަ، ސްކީމުން ކަވަރުކުރާ ބޭހެއް، ސްކީމުގެ ދަށުން ހިދުމަތް ފޯރުކޮށްދޭ ބޭސްފިހާރައަކުން ގަންނަން ޖެހިއްޖެނަމަ، ޝިކާވަތި ޗެޓްލައިން 7951400އަށް ވައިބަރ ނުވަތަ ވަޓްސްއަޕް މެސެޖު މެދުވެރިކޮށް ރިޕޯޓުކުރުމަށް ވެސް އެޕޯސްޓުގައި ބުނެފައިވެއެވެ.