ޗައިނާގެ އެހީގެ ދަށުން ޤާއިމުކުރެވުނު ލޮނުފެން މީރުކުރާ ނިޒާމު އިވެލުއޭޓްކުރުމަށް ވަޑައިގަތް ޗައިނާގެ މާހިރުންގެ ޓީމާއެކު އިމާރާތް ކުރުމާއި ބިނާރާ ބެހޭ މިނިސްޓްރީން ބައްދަލުކުރައްވައިފިއެވެ.
މިނިސްޓްރީއިން ހާމަކޮށްފައިވާ ގޮތުގައި، ޗައިނާގެ އެހީގައި ޤާއިމުކުރެވުނު މައިކްރޯ-ގްރިޑް ލޮނުފެން މީރުކުރާ ނިޒާމުގެ އިވެލުއޭޝަން މަސައްކަތްވަނީ އެއްކޮށް ނިމުމަކަށް ވަނީ އައިސްފައެވެ. އެ މަޝްރޫޢުގެ އިވެލުއޭޝަން މަސައްކަތް ކުރިއަށް ގެންދިޔައީ މި އަހަރުގެ ޑިސެމްބަރު މަހުގެ 2 އިން 5 އަށެވެ.
އެ މުއްދަތުގެ ތެރޭގައި، ޗައިނާގެ މާހިރުންގެ ވަފުދެއް ވަނީ ކ. ކާށިދޫ އަދި ހއ. ކެލާގައި ޤާއިމުކުރެވިފައިވާ ލޮނުފެން މީރުކުރާ ޕްލާންޓްތަކަށް ޒިޔާރަތްކޮށް، އެ ޕްލާންޓްތަކުގެ ހާލަތާއި މަސައްކަތްކުރާ ގޮތް ވަނީ ބައްލަވާލައްވާފައެވެ.
އެ ބައްދަލުވުމުގައި މިނިސްޓްރީގެ ފަރާތުން ބައިވެރިވެ ވަޑައިގަތީ ސްޓޭޓް މިނިސްޓަރ އިބްރާހީމް ތާއާމް މުޙައްމަދާއި މިނިސްޓްރީގެ ޓެކްނިކަލް ޓީމެވެ. އަދި ޗައިނާގެ ފަރާތުން ބައިވެރިވެ ވަޑައިގަތީ އެ ޤައުމުގެ މާހިރުންގެ ވަފުދެވެ. މި މަޝްރޫޢުގެ ސަބަބުން ރާއްޖޭގެ ރަށްތަކުގައި ސާފު ބޯފެން ލިބުމުގެ ދަތިކަން ޙައްލުކުރުމަށް އެހީތެރިވެދޭނެ ކަމަށްވެސް މިނިސްޓްރީއިން އުއްމީދު ކުރައްވާ ކަމަށް ވެސް ވަނީ ބުނެފައެވެ.