މިފްކޯގެ ސީއީއޯ ކަމުގެ މަގާމަށް ޑރ. ވިޓާލީ ލުބިމޯވް އަައްނުކުރުމާއި ގުޅިގެން މިފްކޯގެ އެކްޓިންގ ސީއީއޯ ވޭތުވެދިޔަ 7 މަސް ދުވަހު ކުންފުނީގެ ހިންގެވުމާ ހަވާލުވެ ހުންނެވުމަށްފަހު (މިއަދާ ހަމައަށް) ކުރެއްވި ކަންތައްތަކާއި އަދި ކުރިއަަށް އޮތްތާގައި މުސްތަގްބަލަށް އެދޭ ކަމަށް ވިދާޅުވެ މެސެޖެއް ދެއްވައިފިއެވެ.
އެކްޓިންގ ސީއީއޯ ވިދާޅުވީ ލިބުނު ފުރުސަތުގައި، މިފްކޯ ގެ ސީ.އީ.އޯ ގެ މަގާމުގައި ބޭފުޅަކު ނެތި ވޭތިވެދިޔަ އަހަރު ދިޔަ މުއްދަތުތަކުގައި ކުންފުނި ހިންގުމުގައި
ދިމާވި ގޮންޖެހުންތައް ހައްލުކޮށް ކުންފުނި ހިންގުމުގައި މެނޭޖުމަންޓު ޓީމާއި މިފްކޯގެ ހީވާގި މުވައްޒަފުންގެ ފަރާތުން ލިބުނު އެއްބާރުލުމަށް ނިހާޔަތަށް ޝުކުރު ދަންނަވާ ކަމަށެވެ. ކުންފުންޏަށް ދިމާވެފައިވާ ގޮންޖެހުންތަކުން އަރައިގަންނަން ބުރަ މަސައްކަތްތަކެއް ކުރަންޖެހިފައިވާއިރު، ކުންފުނީގެ މުސްތަގުބަލު ބައްޓަންކުރުމުގައި ކުންފުނީގެ ހީވާގީ މުވައްޒަފުންގެ އެއްބާރުލުމާއިއެކު، އިތުރު ކުރިއެރުންތައް ހޯދޭނޭ ކަމާއިމެދު ޝައްކެއް ނުކުރާ ކަމަށެވެ.
“އެހެންކަމުން، ކުންފުނީގެ ކުރިމަގަށް ރާވާފައިވާ ކަންކަން ކާމިޔާބުކަމާއިއެކު ކުރިއަށް ގެންދިއުމަށްޓަކައި، ޑރ. ވިޓާލީ ލިއުބިމޮވް އަށާއި މެނޭޖުމަންޓު ޓީމަށް ހުރިހާ މުވައްޒަފުންގެ
އެއްބާރުލުން ދެއްވުން އެދެން: އިލްޔާސް ހަނީފް (ސީއެފްއޯ)
މިފްކޯގެ ސީއީއޯ ކަމުގެ މަގާމަށް ޑރ. ވިޓާލީ ލުބިމޯވް ވަނީ އައްޔަން ކުރީ މިއަދުއެވެ. އައު ސީއީއޯ މާދަމާ ހެނދުނު ރަސްމީ މަސައްކަތާ ހަވާލުވެވަޑައިގަންނަވާނެ ކަމަށް މިފްކޯއިން ބުނެއެވެ. ސަރުކާރުގެ މަސް ކުންފުންޏަށް ބޭރުގެ ސީއީއޯއެއް ހޯދަން ފުރަތަމަ އިއުލާންކުރީ މިދިޔަ ޖޫން މަހުގެ ތެރޭގަ އެވެ.
އެ މަގާމަށް މީހަކު ހޮވާނީ ގާބިލްކަމާއި ތަޖުރިބާއަށް ބެލުމަށް ފަހު ކަމަށް އޭރު މިފްކޯއިން ވަނީ ބުނެފައެވެ. ޕީބީސީން ބުނީ ހަތަރު އަހަރަށް އައްޔަންކުރާ ސީއީއޯ އަށް މުސާރައިގެ ގޮތުގައި މަހަކު 12،000 ޑޮލަރު (185،040ރ.) އާއި 15،000 ޑޮލަރު (231،300ރ.) ދެމެދުގެ މުސާރައެއް ލިބޭނެ ކަމަށެވެ.
މިދިޔަ ޖޫން މަހު ޕީސީބީން ކުރި އިއުލާނުގައި ބުނީ، މިފްކޯގެ ސީއީއޯގެ މަގާމަށް ހުޅުވާލައި މުއްދަތު ހަމަވި އިރު މަގާމުގެ ޝަރުތު ހަމަވާ ކެންޑިޑޭޓަކު ކުރިމަތިލާފައިނުވާ ކަމަށެވެ. އެހެންވެ އެ އިއުލާން ވަނީ ބާތިލްކޮށްފަ އެވެ.
މިފްކޯގެ ސީއީއޯގެ މަގާމުގައި އެންމެ ފަހުން ހުންނެވީ އަހުމަދު ސަމާހު ރަޝީދެވެ. އެނާ އެ މަގާމު މަގާމުން ވަކިކޮށް، ފަހުން ވަނީ ފިޝަރީޒް މިނިސްޓްރީގެ ސްޓޭޓް މިނިސްޓަރަކަށް އައްޔަންކޮށްފައެެވެ.