އިސްރަށްވެހިންގެ ނާދީގެ މެންބަރުން މިއަދު ރައްޔިތުންގެ މަޖިލީހަށް ޒިޔާރަތްކޮށް މަޖިލިސް ބައްލަވާލައިފިއެވެ.
އިސްރަށްވެހިންގެ ނާދީއިން ދަނީ އިސްރަށްވެހިންނަށް އަމާޒުކޮށް، އެފަރާތްތަކުގެ ނަފްސާނީ އަދި އިޖުތިމާޢީ ދުޅަހެޔޮކަން އިތުރުކުރުމަށް ތަފާތު ހަރަކާތްތަކެއް ރާވައި އިންތިޒާމްކުރަމުންނެވެ.
މިގޮތުން މި ޕްރޮގްރާމުތަކުގައި ބައިވެރިވުމަށް އިސްރަށްވެހިންގެ ނާދީގެ ނަންބަރު 3027586 އަށް ގުޅުއްވައިގެން އަދި ޕްރޮގްރާމު އޮންނަ ގަޑިއަށް އިސްރަށްވެހިންގެ ނާދީއަށް ޒިޔާރަތްކޮށްލައިގެން ވެސް ނަންނޯޓު ކުރެވޭނެއެވެ.
މިފަދަ ކޮންމެ ޕްރޮގްރާމެއްގައި ވެސް ގިނަ އަދަދެއްގެ އިސްރަށްވެހިން ބައިވެރިވުމަކީ އިސްރަށްވެހިންގެ ނާދީގެ އެދުމެކެވެ.
މި ހަރަކާތްތަކުގައި ބައިވެރިވުމުގެ ފުރުޞަތު 55 އަހަރުން މަތީގެ ކޮންމެ ބޭފުޅަކަށްވެސް އޮންނާނެއެވެ.