ޖަޕާނުން ރާއްޖެއަށް ކަނޑައަޅުއްވާފައި ހުންނަވާ ސަފީރު މިސިޒް ޓަކޭޗީ މިޑޯރީ، މިނިސްޓަރ އޮފް ފޮރިން އެފެއާޒް ޑރ ޢަބްދުالله ޚަލީލްގެ އަރިހަށް ވަދާޢީ ޒިޔާރަތެއް ކުރައްވައިފިއެވެ.
އެބައްދަލުކުރެއްވުމުގައި ފޮރިން މިނިސްޓަރ ޚަލީލް ދެއްކެވި ވާހަކަފުޅުގައި، ދެޤައުމުގެ ގުޅުން އިތުރަށް ބަދަހިކުރެއްވުމަށް ދިވެހި ސަފީރު އަމިއްލަފުޅަށް ވެދެއްވި އެހީތެރިކަމާއި، އެކަމަނާގެ ސަފީރުކަމުގެ ދައުރުގައި ރާއްޖެއަށް ވެދެއްވި ދީލަތި އެހީތެރިކަން ފާހަގަކުރައްވައި، އެކަމަށްޓަކައި ދިވެހި ސަރުކާރަށް ވަރަށް އިޚްލާޞްތެރިކަމާއެކު ޝުކުރު އަދާކުރެއްވިއެވެ.
ސަފީރު ޓަކޭޗީ މިޑޯރީ ދެއްކެވި ވާހަކަފުޅުގައި، އެކަމަނާގެ މި ދަތުރުފުޅުގައި ދިވެހި ސަރުކާރުން ވެދެއްވަމުން ގެންދަވާ އެއްބާރުލެއްވުމާއި އެހީތެރިކަމަށް ޝުކުރު އަދާކުރައްވައި، ދެ ޤައުމުގެ ދެމެދުގައި ވާ ރަޙްމަތްތެރި ކަމުގެ ގުޅުން އިތުރަށް ބަދަހިކުރެއްވުމަށް ދިވެހި ސަރުކާރާއި ގުޅިގެން މަސައްކަތް ކުރައްވާނެކަމުގެ ޔަޤީންކަން ދެއްވިއެވެ.
އެ ބައްދަލުކުރެއްވުމުގައި ފޮރިން މިނިސްޓަރ ޚަލީލާއި ޖަޕާނުގެ ސަފީރު ޓަކޭޗީ މިޑޯރީ ދެއްކެވި ވާހަކަފުޅުގައި، ރާއްޖެއާއި ޖަޕާނާ ދެމެދު އޮތް ޒަމާންވީ އެކުވެރިކަމުގެ މައްޗަށް އަލިއަޅުއްވާލެއްވިއެވެ.