އިޖުތިމާޢީ އަދި ޢާއިލީ ތަރައްޤީއާ ބެހޭ ވުޒާރާގެ އިސްނެގުމުގެ މަތިން، ޔޫ.އެން އެސްކޭޕްގެ އޭޝިއަން އެންޑް ޕެސިފިކް ޓްރެއިނިނގް ސެންޓރ ފޮރ އިންފޮމޭޝަން އެނޑް ކޮމިއުނިކޭޝާން ޓެކްނޮލޮޖީ ފޮރ ޑިވަލޮޕްމަންޓް (އޭޕީސީއައިސީޓީ) އާއިބިޒްނަސް ސެންޓަރ ކޯޕަރޭޝަން (ބީ.ސީ.ސީ) ގުޅިގެން، “އެމްޕަވަރިންގް ވިމެން އެންޓަޕްރެނަރސް ތްރޫ ޑިޖިޓަލް ޓްރާންސްފޮރމޭޝަން” ގެ ނަމުގައި ބޭއްވުނު 3 ދުވަހުގެ ތަމްރީން ޕްރޮގްރާމް މިއަދު ނިންމާލައިފިއެވެ.
ބައިވެރިން ފާހަގަކުރިގޮތުގައި މި ތަމްރީނު ވެގެންދިޔައީ ވަރަށް ބޭނުންތެރި މަޢުލޫމާތުތަކެއް ލިބިގެންދިޔަ ތަމްރީނު ޕްރޮގްރާމަކަށެވެ. މިގޮތުން ވިޔަފާރި މެނޭޖްކުރާނެ ގޮތާއި، ފައިދާއާއި ގެއްލުން މިނެކިރާނެގޮތާއި، ވިޔަފާރި ކުރިއަރުވާނެ ގޮތްތައް މި ތަމްރީނުގެ ތެރެއިން އެނގިގެން ދިޔަކަން ބައިވެރިން ފާހަގަކުރިއެވެ. ބައިވެރިން އިތުރަށް ފާހަގަކުރީ، ކުދި ވިޔަފާރިތަކުން ވެސް ފަރުވާތެރިކަމާއެކު ހިސާބުތައް ބެލެހެއްޓުމުގެ މުހިންމުކަމާ ބެހޭ މަޢުލޫމާތާއި، ވިޔަފާރި ކުރިއެރުވުމަށް ބޭނުންވާ ގިނަ ޚިޔާލުތައް މި ތަމްރީނުގެ ތެރެއިން ލިބުނުކަމަށެވެ. ހަމައެއާއެކު، އެއް ތަނަކުން ގިނަ އަންހެން ވިޔަފާރިވެރިންނާއި ބައްދަލުވެ، ޚިޔާލު ބަދަލުކޮށް، ނެޓްވޯކްކުރުމަށް ވެސް މި ތަމްރީނުގެ ތެރެއިން މަގުފަހިވެގެން ދިޔަކަމަށް ބައިވެރިން ބުންޏެވެ.
މި ތަމްރީނު ޕްރޮގްރާމް ނިންމާލުމުގެ ގޮތުން މިއަދު ބޭއްވުނު ރަސްމިއްޔާތުގައި އިޖުތިމާޢީ އަދި ޢާއިލީ ތަރައްޤީއާ ބެހޭ ވަޒީރު ޑރ. ޢާއިޝަތު ޝިހާމް ވަނީ ބައިވެރިންނާ ސެޓްފިކެޓް ހަވާލުކުރައްވާފައެވެ. މި ޕްރޮގްރާމް ޖުމްލަ 77 ބައިވެރިން ވަނީ ފުރިހަމަކޮށްފައެވެ.