17 ޑިސެމްބަރ 2024 ގެ ނިޔަލަށް، ދުންފަތް ކޮންޓްރޯލް ކުރުމާ ބެހޭ ޤާނޫނާ ޚިލާފު ވި 4 ފަރާތެއް ޖޫރިމަނާ ކޮށްފައިވެއެވެ. ޖޫރިމަނާ ކޮށްފައިވަނީ ޖުމްލަ 20،000 ރުފިޔާ އިންނެވެ. އެއީ ކޮންމެ މީހަކަށް 5،000 ރުފިޔާގެ ރޭޓުންނެވެ.
މި ޖޫރިމަނާ ކޮށްފައިވަނީ ދުންފަތް ކޮންޓްރޯލް ކުރުމާ ބެހޭ ޤާނޫނަށް 1 ވަނަ އިސްލާހު ގެނައުމުގެ ޤާނޫނާ އެއްގޮތްވާ ގޮތުގެ މަތިންނެވެ.
ފުލުހުން މައުލޫމާތު ދޭ ގޮތުގައި ޤާނޫނާ ޚިލާފު ވެގެން ޖޫރިމަނާ ކުރެވޭ މީހުންނަށް އެކަމުގެ މައުލޫމާތު އަންގަނީ މޯބައިލް ފޯނަށް ފޮނުވާ މެސެޖަކުންނެވެ. އަދި މި މެސެޖުގައި ޖޫރިމަނާ ދެއްކުމަށް ޕޭމެންޓް ލިންކެއް ވެސް ހިމަނާފައިވާނެ ކަމަށާއި ފައިސާ ދައްކަން ޖެހޭނީ އެ ލިންކުން ކަމަށް ހާމަކޮށްފައިވެއެެވެ.
ދުންފަތާ ދުރުހެލިވާން ބޭނުންވާ ފަރާތްތަކަށް މިނިސްޓްރީ އޮފް ހެލްތު އިން ވަނީ ކުއިޓްލައިނެއް ޤާއިމްކޮށްފައެވެ. ދުންފަތަށް ދެވި ހިފާފައިވާ ފަރާތްތަކުން ދުންފަތާ ދުރުހެލިވުމަށް 1676 އަށް ގުޅައިގެން އެހީތެރިކަން ލިބިގެންދާނެއެވެ.