އަބްދުއްސަމަދު މެމޯރިއަލް ހޮސްޕިޓަލް (އޭއެސްއެމްއެޗް) އިން ދެމުންދާ ސިއްހީ ހިދުމަތްތައް އިތުރު ހަރުފަތަކަށް ގެންގޮސްފިއެވެ. މިގޮތުން، ޓައިމްޕަނޯޕްލާސްޓީ ނުވަތަ މިޑްލް އިއާ ރިކޮންސްޓްރަކްޝަން ސާޖަރީއެއް ކާމިޔާބުކަމާއެކު ކުރިއަށް ގެންގޮސް ނިންމާލާފައިވާ ކަމަށް އެ ހޮސްޕިޓަލުން ވަނީ ހާމަކޮށްފައެވެ.
މި ނާޒުކު އަދި ހާއްސަ ސާޖަރީ ކުރިއަށް ގެންދިޔައީ އޭއެސްއެމްއެޗްގެ ތަމްރީނު ލިބިފައިވާ އީއެންޓީ ސާޖަން ޑރ. މަނާފްގެ އިސްނެގުމުގެ ދަށުން، ހޭނައްތާ ޑޮކްޓަރ މޮމެންގެ އެހީތެރިކަމާއެކު، ހާއްސަ މެޑިކަލް ޓީމެއްގެ ބައިވެރިވުމާއެކުގައެވެ.
ފުރަތަމަ ފަހަރަށް ޓައިމްޕަނޯޕްލާސްޓީ ސާޖަރީ/ފޮޓޯ:އަބްދުއްސަމަދު މެމޯރިއަލް ހޮސްޕިޓަލް
ޓައިމްޕަނޯޕްލާސްޓީއަކީ ފަޅައިގެން ގޮސްފައިވާ ކަންފަތް މަރާމާތު ކުރުމަށް ނުވަތަ ކަންފަތުގެ މެދު އަލުން އާރާސްތުކުރުމަށް ކުރެވޭ ހާއްސަ ސާޖަރީއެކެވެ. މި ސާޖަރީގެ ސަބަބުން އަޑުއިވުން އަލުން އިޔާދަކުރުމުގެ އިތުރުން، ކަންފަތުގެ ތަކުރާރުވާ އިންފެކްޝަންތަކުން ދުރުކޮށްދީ، ބަލިމީހުންގެ ދިރިއުޅުމުގެ ފެންވަރު ރަނގަޅުކޮށްދެއެވެ.
ފުރަތަމަ ފަހަރަށް ޓައިމްޕަނޯޕްލާސްޓީ ސާޖަރީ/ފޮޓޯ:އަބްދުއްސަމަދު މެމޯރިއަލް ހޮސްޕިޓަލް
"މި ސާޖަރީ ކާމިޔާބުވުމަކީ އަޅުގަނޑުމެންނަށް ލިބުނު ވަރަށް ބޮޑު ފަހުރެކެވެ. މިއީ އަޅުގަނޑުމެންގެ އެޑްވާންސް ޓެކްނޮލޮޖީއާއި ހުނަރުވެރި ސްޕެޝަލިސްޓުންގެ ތަޖުރިބާގެ ނަތީޖާއެކެވެ. މިފަދަ ޚިދުމަތްތައް ރާއްޖޭގައި ތަޢާރަފުކުރެވުމުން، ބޭރަށް ދަތުރުކޮށް ބޮޑެތި ހަރަދުތައް ކުރަންޖެހޭ މިންވަރު މަދު ވެގެން ދާނެއެވެ." އަބްދުއްސަމަދު މެމޯރިއަލް ހޮސްޕިޓަލް
މި ސާޖަރީ ކާމިޔާބުވުމާއެކު، އަޑުއިވުމުގެ މައްސަލަ ހުންނަ ގިނަ ބަޔަކަށް އާ އުއްމީދުތަކެއް ލިބިގެންދާނެ ކަމުގެ އުއްމީދު މިވަނީ އާވެފައެވެ.