ގޯތި ލިސްޓުގެ ބޭއިންސާފުކަމުގެ ވާހަކަ މީގެ ކުރިން ވެސް ދައްކާފައިވާ ކަމަށާއި އޭރު އެއްވެސް ފިޔަވަޅެއް އެކަމުގައި އަޅާފައި ނުވާ ކަމަށް ކުރީގެ ރައީސް މުހައްމަދު ނަޝީދު ވިދާޅުވެއްޖެއެވެ.
"އެކްސް" ގައި ކުރި މި ޕޯސްޓްގައި ނަޝީދު ވިދާޅުވީ ނުހައްގުން ގޯތި ބަހާފައިވާ މައްސަލަ އާއި ގުޅޭ ގޮތުން އަނެއްކާވެސް ދަންނަވަން އޮތީ މީގެ ކުރިން ވެސް ދެއްކި ވާހަކަ ކަމަށާއި، ކުރީގައިވެސް ލިސްޓް ހަދާފައި ވަނީ ބޭ އިންސާފުން އެތައް ބަޔަކަށް ގޯތި ލިބޭ ގޮތަށް ކަމަށެވެ.
ނަޝީދު އިތުރަށް ފާހަނގަކުރެއްވީ މިފަހަރުވެސް އެ ބޭއިންސާފަށް އިތުރު ބޮޅެއް އެކުލަވާ ލެވިފައިވާ ކަމަށެވެ. އެހެންނަމަވެސް މިފަހަަރު މިވަނީ މި މައްސަލަ ތަހުގީގު ކުރަން ފަށާ އެޗްޑީސީގެ ވެރިން ބައްދަލު ކޮށްފަ ކަމަށާއި އެމްޕީއެސް އިން ރަނގަޅު ތަހުގީގެއް ހިންގާނެ ކަމުގެ އުންމީދު ކުރާކަމަށް ކަމަށް ވެސް ނަޝީދު ވިދާޅުވެފައިވެއެވެ.
މީގެ އިތުރުން އެޗްޑީސީގެ އައު ސީއީއޯ މައުރޫފް ޖަމީލް އެންމެހާ ކަންކަން އިސްލާހު ކުރައްވާނެ ކަމަށް އުންމީދު ކުރާ ކަމަށް ވެސް ނަޝީދު ވިދާޅުވިއެވެ.
ބިންވެރިޔާ ސްކީމްގައި ނުހިމެނޭ ބަޔަކަށް ގޯތިތަކެއް ދީފައިވާ މައްސަލަ މިފަހަކަަށް އައިސް ފެންމަތިވެފައިވެއެވެ. މި މައްސަލައިގައި ފުލުހުން ތަހުގީގުތަކެއް ހިންގަމުން ދާއިރު، މައްސަލައިގެ ތެރޭގައި ފަޒުލް މިދިޔަ ބުރާސްފަތި ދުވަހުން ފެށިގެން މަގާމުން ސަސްޕެންޑްކޮށްފައި ވަނިކޮށް، މިހާރު އެ މަގާމުން އިސްތިއުފާ ދެއްވާފައިވާކަން ރައީސް ޑރ. މުހައްމަދު މުއިއްޒަށް ފޮނުއްވި ސިޓީއަކުން ދަންނަވައިފައިވެއެވެ. ފަޒުލްއާ އެކު، އެޗްޑީސީ އާއި ހައުސިން މިނިސްޓްރީގެ މުވައްޒަފުންތަކެއް ހިމެނޭ ގޮތަށް 20 މީހެއްގެ ޕާސްޕޯޓް ވެސް ހިފަހައްޓާފައިވެއެވެ.