ރާއްޖޭގައި ބިދޭސީ އަންހެނަކު ރޭޕްކޮށް މަރާލިކަމަށް ބުނެ ސޯޝަލް މީޑިއާގައި ދައުރުވަމުންދާ ވީޑިއޯއަކީ 2021 ވަނަ އަހަރު ބަނގްލަދޭޝްގައި ހިނގި ހާދިސާއަކާ ގުޅޭ ވީޑިއޯއެއްކަމަށް ދާހިލީ ސަލާމަތާއި ފަންނިއްޔަތާ ބެހޭ ވަޒީރު އަލީ އިހުސާން ވިދާޅުވެއްޖެއެވެ.
ވަޒީރު އިހުސާން ކުރެއްވި އެކްސް ޕޯސްޓެއްގައި ވިދާޅުވެފައިވަނީ، މި ވީޑިއޯއަކީ 2021 ވަނަ އަހަރުގެ މޭ މަހު ބަނގްލަދޭޝްގެ ނޫހެއްގައި ރިޕޯޓުކޮށްފައިވާ ހާދިސާއަކާ ގުޅޭ ވީޑިއޯއެއް ކަމަށެވެ. އަދި މި ވީޑިއޯގައި ދައްކާ ހާދިސާއަކީ ރާއްޖޭގައި ހިނގާފައިވާ ކަމެއް ނޫންކަމަށް ވަޒީރު އިހުސާން ވަނީ ސާފުކޮށް ވިދާޅުވެފައެވެ.
“ސޯޝަލް މީޑިއާގައި ދައުރުވަމުންދާ، ރާއްޖޭގައި ބިދޭސީ އަންހެނަކު ރޭޕްކޮށް މަރާލާފައިވާ ކަމަށް ބުނާ ވީޑިއޯއަކީ 2021 ވަނަ އަހަރުގެ މޭ މަހު ބަނގްލަދޭޝްގެ ނޫހެއްގައި ރިޕޯޓުކޮށްފައިވާ ހާދިސާއަކާ ގުޅޭ ވީޑިއޯއެކެވެ. މިއީ ރާއްޖޭގައި ހިނގާފައިވާ ކަމެއް ނޫނެވެ،” ވަޒީރު އިހުސާން ވިދާޅުވިއެވެ.
މި ވީޑިއޯ ސޯޝަިއޯ ސޯޝަލް މީޑިއާގައި ދައުރުވަމުން ދިއުމާ ގުޅިގެން، ގިނަ ރައްޔިތުން ވަނީ ކަންބޮޑުވުން ފާޅުކޮށްފައެވެ. ނަމަވެސް، ވަޒީރު އިހުސާން ޔަގީންކަން ދެއްވާފައި މިވަނީ މި ވީޑިއޯއަކީ ރާއްޖޭގައި ހިނގާފައިވާ ހާދިސާއަކާ ގުޅޭ އެއްޗެއް ނޫންކަމެވެ.