ހައުސިންގ ޑިވެލޮޕްމަންޓް ކޯޕަރޭޝަން (އެޗްޝަން (އެޗްޑީސީ) ގެ ޑިރެކްޓަރުންގެ ބޯޑުގެ ހުރިހާ މެންބަރުންގެ ސަސްޕެންޝަން ނިމުމަކަށް ގެނެސްފިއެވެ. މި ނިންމުން ނިންމާފައިވަނީ ބިންވެރިޔާ ސްކީމްގެ ދަށުން ގޯތި ދޫކުރުމުގައި ހިނގާފައިވާ ކަމަށް ތުހުމަތުކުރެވޭ ގަވާއިދާ ހިލާފު އަމަލުތަކާ ގުޅިގެން ކުރެވުނު ތަހުގީގުތަކެއްގެ ފަހުގައެވެ.
މި މައްސަލައިގައި، އެޗްޑީސީގެ ޗެއަރމަން ފިޔަވައި ހުރިހާ ޑިރެކްޓަރުން ވަނީ ސަސްޕެންޑު ކުރެވިފައެވެ. މީގެ ތެރޭގައި އޭރުގެ މެނޭޖިންގ ޑިރެކްޓަރ އިބްރާހީމް ފަޒުލްވެސް ހިމެނެއެވެ. އަދި ފަޒުލް ރަޝީދު ހިމެނޭ ގޮތަށް 20 މީހެއްގެ ޕާސްޕޯޓުވެސް ވަނީ ވަނީ ހިފަހައްޓާފައެވެ. މި ހާދިސާއާ ގުޅިގެން އިބްރާހީމް ފަޒުލް ވަނީ އޭނާގެ މަގާމުން އިސްތިއުފާ ދެއްވާފައެވެ.
ބިންވެރިޔާ ސްކީމްގެ ދަށުން ގޯތި ނުލިބޭ ބަޔަކަށް ގޯތިތަކެއް ދީފައިވާކަމުގެ ތުހުމަތުތަކާ ގުޅިގެން، މޯލްޑިވްސް ޕޮލިސް ސަރވިސް އަދި އެންޓި-ކޮރަޕްޝަން ކޮމިޝަން (އޭސީސީ) ގުޅިގެން ދަނީ މި މައްސަލަ ތަހުގީގު ކުރަމުންނެވެ. މި ތަހުގީގުގެ ތެރެއިން، އިބްރާހީމް ފަޒުލް ދިރިއުޅޭ ގެ ބަލައި ފާސްކޮށް، އެ ގެއިން ބައެއް ތަކެތި ވަނީ ފުލުހުންގެ ބެލުމުގެ ދަށަށް ގެންދެވިފައެވެ. އަދި ފަޒުލްގެ ބޭބެ ފަޒީލުވެސް ވަނީ މަގާމުން ސަސްޕެންޑުކޮށްފައެވެ
މި މައްސަލައާ ގުޅިގެން އެޗްޑީސީގެ ބައެއް މުވައްޒަފުންވެސް ވަނީ ވަޒީފާއިން ވަކިކޮށްފައެވެ،