ރޯޑް ޑިވެލޮޕްމެންޓް ކޯޕަރޭޝަން (އާރްޑީސީ)ގެ ކޮރަޕްޝަންގެ މައްސަލަތަކަކާ ގުޅިގެން، އެ ކުންފުނީގެ ކުރީގެ މެނޭޖިން ޑިރެކްޓަރު މޫސާ އަލިމަނިކު (މޫކޭ)ގެ އެޕާޓްމަންޓް ބަލައި ފާސްކުރުމުގެ ތެރޭގައި 24 ނޮކިޔާ ފޯނާއި، ސިމްކާޑެއްގެ އިތުރުން ސްކްރީން ތެޅިފައި އޮތް ފޯނެއް ފެނި އެތަކެތި ފުލުހުންގެ ބެލުމުގެ ދަށަށް ގެންގޮސްފިއެވެ.
އިއްޔެ މޫކޭ އާއި ކުންފުނީގެ ކުރީގެ ސީއެފްއޯ ޔާސިރު ހުސެއިން ރާއްޖެއިން ބޭރަށް ނުދެވޭ ގޮތަށް ޕާސްޕޯޓު ވެސް ވަނީ ހިފަހައްޓައިފައެވެ. މި މައްސަލައިގައި އާރްޑީސީގެ ފައިސާއަށް ހިޔާނާތްތެރިވެ، އެ ފައިސާ ލޯންޑާކޮށް، އަމިއްލަ މަންފާ ހޯއްދަވާފައިވާ ކަމަށް ތުހުމަތު ކުރެވޭތީ ފުލުހުން ތަޙުޤީޤު ކުރަމުންދާ ކަމަށް ވަނީ ކަށަވަރުވެފައެވެ.
ކްރިމިނަލް ކޯޓުގެ އިސް ގާޒީ، އާދަމް މުހައްމަދު ސޮއިކުރައްވައި ނެރުއްވި ކޯޓު އަމުރެއްގެ ދަށުން މިދިޔަ ބުރާސްފަތި ދުވަހުގެރޭ މޫކޭ އާއި ޔާސިރު ދިރިއުޅުއްވާ ގެ ބަލައި ފާސްކޮށް އިލެކްޓްރޯނިކް ސާމާނުތަކެއް ފުލުހުންގެ ބެލުމުގެ ދަށަށް ގެންގޮސްފައިވެއެވެ.
ކުރީގެ ރައީސް އިބްރާހިމް މުހައްމަދު ސޯލިހްގެ ވެރިކަމުގައި އާރްޑީސީއަކީ އެންމެ ބޮޑެތި ކޮރަޕްޝަނާއި ހިޔާނާތުގެ މައްސަލަތަކެއް ފެންމަތިވި އެއް ކުންފުންޏެވެ. މީގެ ތެރޭގައި 14 މިލިއަން ރުފިޔާގެ ހިޔާނާތެއް ފެާތެއް ފެންމަތިވުމާއި، އެކެއްގެ އެކައުންޓަށް 11 މިލިއަން ރުފިޔާ ވަދެފައިވާ ކަން ހިމެނެއެވެ.