އިތުބާރު ކުރެވޭ މަގާމެއްގައި ހުރެ ކުޑަކުއްޖަކާ އެކު ޖިންސީ އަމަލެއް ހިންގުމުގެ ދައުވާ އާއި ޖިންސީ ނިޔަތެއް އޮވެގެން ކުޑަކުއްޖެއްގެ ގައިގައި އަތްލުމުގެ ދައުވާ ސާބިތުވެ، ނަސްރުﷲ ފާއިޒް ނަމަކަށް ކިޔާ މީހަކަށް 25 އަހަރަށް ޖަލަށްލުމަށް ކްރިމިނަލް ކޯޓުން މިއަދު ހުކުމްކޮށްފިއެވެ.
ކްރިމިނަލް ކޯޓުން މައުލޫމާތު ދިންގޮތުގައި، ނަސްރުﷲ ފާއިޒްގެ މައްޗަށް ދައުލަތުން ކުރި ތިން ދައުވާގެ ތެރެއިން ދެ ދައުވާއެއް ސާބިތު ވެފައި ވެއެވެ. އެގޮތުން އިތުބާރު ކުރެވޭ މަގާމެއްގައި ހުރެ ޖިންސީ އަމަލު ހިންގުމުގެ ކުށުގައި 15 އަހަރަށް އަދި ޖިންސީ ނިޔަތެއް އޮވެގެން އަތްލުމުގެ ކުށުގައި 10 އަހަރަށް ޖަލަށްލުމަށް ހުކުމްކޮށްފައިވެއެވެ. ނަމަވެސް އޮރިޔާން ކާޑު ގެންގުޅުމުގެ ދައުވާ ސާބިތުނުވާ ކަމަށް ކޯޓުން ނިންމާފައިވެއެވެ.
މި މައްސަލައިގެ ޝަރީއަތް ކުރިއަށް ގެންގޮސްފައިވަނީ ސިއްރު ޝަރީއަތެއްގެ ގޮތުގައި ކަމަށްވުމާއެކު، މައްސަލައިގެ އިތުރު ތަފްސީލުތަކެއް ހާމަކޮށްފައެއް ނުވެއެވެ.
ކުޑަކުދިންނަށް ޖިންސީ ގޯނާ ކުރުމަކީ ދިވެހިރާއްޖޭގައި އެންމެ ބޮޑު އަދަބު ދެވޭ އެއް ކުށް ކަމަށްވާއިރު، މިފަދަ މައްސަލަތަކުގައި ޝަރީއަތް ކުރިއަށް ގެންދަނީ އާންމުކޮށް ސިއްރު ކޮށްގެންނެވެ.
މި ހުކުމާއެކު، ކުޑަކުދިންނަށް ކުރާ ޖިންސީ ގޯނާގެ މައްސަލަތަކުގައި ކޯޓުތަކުން ހަރުކަށި ފިޔަވަޅު އަޅަމުން ދާކަން ފާހަގަކުރެވެއެވެ.