ހެޑްލައިން: ސޯޝަލްމީޑިއާ 52 މުބާރާތް، މަހަކު 4 ފުރުސަތު؛ ހިލޭޗުއްޓީއަށް އާދެވޭނެ ދުނިޔޭގެ އެންމެބޮޑު ގިވްއަވޭ
މާލެ، 15 ޖަނަވަރީ 2025 (އެމްއެމްޕީއާރުސީ) – ރާއްޖޭގައި ހިލޭ ޗުއްޓީ ހޭދަކުރުމުގެ 52 ފުރުސަތާއެކު، “ވޯލްޑްސް ބިގެސްޓް ގިވްއަވޭ” ޕްރޮމޯޝަންގެ ނަމުގައި ބޮޑު ޕްރޮމޯޝަން ހަރަކާތެއް މޯލްޑިވްސް މާކެޓިންގ އެންޑް ޕަބްލިކް ރިލޭޝަންސް ކޯޕަރޭޝަން (އެމްއެމްޕީއާރުސީ) އިން މިއަދު ފަށައިފިއެވެ.
އެމްއެމްޕީއާރުސީން މަޢުލޫމާތު ދެއްވިގޮތުގައި މި ފޯރިގަދަ ކެމްޕެއިން ކުރިއަށް ގެންދާނީ “ވިޒިޓް މޯލްޑިވްސް” ގެ ޕްލެޓްފޯމްތަކުގައި ކޮންމެ މަހަކު ބާއްވާ ސޯޝަލް މީޑިއާ މުބާރާތްތަކެއްގެ ތެރެއިންނެވެ. ކޮންމެ މަހަކުވެސް ނަސީބުވެރި ހަތަރު މީހަކު ގުރުއަތުން ހޮވާއިރު، ކޮންމެ ނަސީބުވެރިއަކަށް ރާއްޖޭގައި ހިލޭ ޗުއްޓީ ހޭދަކުރުމުގެ ފުރުސަތު ލިބޭނެއެވެ.
މި 52 މުބާރާތުގައި ރާއްޖޭގެ ތަފާތު ހުށަހެޅުންތައް ދައްކާލާއިރު، ސާފު ގޮނޑުދޮށްތަކާއި ދިރުންތަކާއި ސަގާފަތުން ފެށިގެން ފޯރިގަދަ ޑައިވިންގ އެޑްވެންޗަރތަކާއި ލަގްޒަރީ ރިޓްރީޓްތަކާ ގުޅުވައި، ޚާއްޞަ ސަމާލުކަމެއް ދޭން ރާވާފައިވަނީ، ރާއްޖެ މަޝްހޫރުވެފައި އޮތް ހަނީމޫން، ލަގްޒަރީ، ފެމިލީ، ޑައިވިންގ އަދި އެހެނިހެން ޝައުގުވެރި ސެގްމަންޓްތަކަށެވެ.
އެމްއެމްޕީއާރުސީގެ ސީއީއޯ ފާތިމަތު ނަޒްލާ ވިދާޅުވީ، “މި ކެމްޕޭންގެ މަޤްޞަދަކީ ދަތުރުފަތުރު ކުރުމަށް ލޯބިކުރާ މީހުން ސޯޝަލް މީޑިއާގައި ޝައުގުވެރިކޮށް، އެންމެ މަތީފަންތީގެ ޓޫރިސްޓު މަންޒިލެއްގެ ގޮތުގައި ދުނިޔޭގައި ރާއްޖެއަށް އޮތް މަޤްބޫލުކަން އިތުރުކުރުން” ކަމަށެވެ.
މުޅި ދުނިޔެއަށް ހުޅުވާލާފައިވާ މި ހަރަކާތަކީ، އެކި ސަރަޙައްދުތަކުގައި ތިބި މީހުންނަށް ބައިވެރިވުމަށް ދަޢުވަތު ދީ، ރާއްޖޭގައި ހުރި ތަފާތު އެޓްރެކްޝަންތައް ހޯދައި، އަމިއްލައަށް ތަޖުރިބާކޮށް، މުޅި އަހަރު ޓޫރިސްޓު މަންޒިލެއްގެ ގޮތުގައި ރާއްޖެ ޕްރޮމޯޓް ކުރުމުގައި ބައިވެރިވުމުގެ ފުރުޞަތު ދިނުން ކަމަށް އެމްއެމްޕީއާރުސީން ބުންޏެވެ.
މިދިޔަ އަހަރު ނިމުނުއިރު ރާއްޖެއަށް ދެ މިލިއަނަށް ވުރެ ގިނަ ޓޫރިސްޓުން ވަނީ ޒިޔާރަތްކޮށްފައެވެ. އެއީ ރާއްޖޭގެ ޓޫރިޒަމްގެ ތާރީޚުގައި ވެސް މިހާ ގިނަ އަދަދެއްގެ ޓޫރިސްޓުން ރާއްޖެއަށް އައި ފުރަތަމަ ފަހަރެވެ. އެ ތާރީޚީ ކާމިޔ