ދަތުގައި ރިހުމަކީ ވަރަށް އާންމުކޮށް ދިމާވާ އެހެންނަމަވެސް ކެތްނުކުރެވޭ ވަރަށް ރިހުން އަރައިގަތުމުން ނޫނީ އަހަރުމެންނާ ވިސްނާނުލެވޭ، ފަރުވާ ކުޑަ ކޮށްލެވޭ، އެހެނެއްކަަމަކު ވަރަށްވެސް ވޭން ހުރި ރިހުމެކެވެ.
ޑޮކްޓަރަކަށް އެޕޮއިންޓްމަންޓް ނަގައިގެން(ދަތުގެ ހާއްސަ ޑެންޓިސްޓަކަށް) ދެވެން ވާއިރަށް ވެސް މިކަމަށް ގޭގައި ތިބެގެން ކުރެވިދާނެ ފަރުވާތަކެއް އެނގިފައި އޮތުން ވަރަށް ވެސް މުހިންމެވެ.
ދަތުގައި ރިހުމަކީ ވޭން އަޅާ ރިހުމެއް/ ފޮޓޯ ؛ އައިސްޓޮކް
މިއަދުގެ ފަތިސްތަރީގައި މިގެނެސްދެނީ ދަތުގައި ރިހުމަށް ގޭގައި ކުރެވިދާނެ ނުހާނު ފައިދާހުރި، ބައެއް ފަރުވާތަކަށެވެ.
ލޮނުމެދުން ފަރުވާ ކުރާނެ ގޮތް
ދަތުގައި ރިހުމަށް ލޮނުމެދު ބޭނުން ކުރުމުން ވަރަށް ބޮޑު ލުޔެއް ލިބެއެވެ. މި ފަރުވާ ކުރުމަށްޓަކައި ދެތިން ނޫނީ ދެ ލޮނުމެދު ތޮށިނޮޅައި، ޗަސްކޮށްލައި ނޫނީ އެހެންގޮތަކަށްވިޔަސް، ލޮނުކޮޅަކާއި ޒައިތޫނި ތެޔޮފޮދަކާއި ޗަސްކޮށްފައި ހުރި ކަރަންފޫ ކޮޅެއް އަޅައި ބޮޑުސަމުސަލެއް ނޫނީ ކުޑަކުޑަ ތަށްޓެއް ގައި (ދަގަނޑު ނޫނީ އެހެންވެސް ހޫނު ކުރެވޭ ފަދަ އެއްޗެއްގަައި) ހޫނު ކޮށްލުމަށްފަހު ނެގޭ ދިޔަފޮދު، (ދެތިން ތިކި ވަރު) ދަތުގެ ރިހޭ ސަރަޙައްދުގައި އަޅާށެވެ.
ދަތުގައި ރިހުމަށް ލޮނުމެދު ބޭނުން ކުރުމުން ވަރަށް ބޮޑު ލުޔެއް ލިބެއެވެ/ފޮޓޯ؛ ހޯމްޓިޕްސް
ކަރަންފޫ ތެލުން ދަތުގައި ރިހުމަށް ކުރެވޭ ފަރުވާ
ކަރަންފޫ ތެލަކީ ދަތުގައި ރިހުމަށް ޒަމާނުއްސުރެ ބޭނުންކުރަމުން އަންނަ ވަރަށް ފައިދާހުރި ޤުދުރަތީ ބޭހެކެވެ. މި ފަރުވާ ކުރުމަށް ތިރީގައިވާ ގޮތަށް ޢަމަލުކުރަންވާނެއެވެ.
ކަރަންފޫ ތެލަކީ ދަތުގައި ރިހުމަށް ލުއިކޮށްދޭނެ ޤުދުރަތީ ބޭހެކެވެ./ ފޮޓޯ: ކްލޮވްޓް
ބޭނުންވާ ތަކެތި
- ކަރަންފޫ ތެޔޮ
- ޒައިތޫނު ތެޔޮ
- ކުޑަ ފޮތިގަނޑެއް
ފަރުވާ ކުރާނެ ގޮތް
ކަރަންފޫ ތެލުގެ 2-3 ތިކި އަދި ޒައިތޫނު ތެލުގެ ބައި ސަމުސާ މިންވަރު ރަނގަޅަށް އެއްކޮށްލާށެވެ.
ކުޑަ ފޮތިގަނޑެއް މި މިކްސްޗަރގައި ރަނގަޅަށް ތެންމާލާށެވެ.
ތެންމާލި ފޮތިގަނޑު ރިހޭ ދަތުގައި މަޑުމަޑުން އަޅާށެވެ.
ރިހޭ ސަރަޙައްދުގައި، ރިހުން ކުޑަވަންދެން ބާއްވާށެވެ.
ފަރުވާ ނިމުމުން ފިނި ފެނުން އަނގަ ރަނގަޅަށް ދޮވެލާށެވެ.
ދަތުގެ ރިހުމަށް އަވަސް ފަރުވާ ހޯދުމަށް ކަރަންފޫ ވަރެއް ހަމަނެތް/ފޮޓޯ: ޓޫތުއޭކްރިލީފް
މުހިންމު އިރުޝާދުތައް
- މި ފަރުވާ ދުވާލަކު މަދުވެގެން އެއްފަހަރު ކުރަންވާނެއެވެ.
- 2-3 ދުވަހަށް ނުވަތަ ރިހުން އެއްކޮށް ފިލައިފުމަށް ދާންދެން ތަކުރާރުކުރާށެވެ.
- ކަރަންފޫ ތެޔޮ ސީދާ ދަތުގައި އެޅުމުގެ ބަދަލުގައި، އަބަދުވެސް ފޮތިގަނޑެއް މެދުވެރިކޮށް އަޅަންވާނެއެވެ.
- ފަރުވާ ކުރުމުގައި އެއްވެސް ވަރެއްގެ ތަދެއް ނުވަތަ އުނދަގުލެއް ވާނަމަ، ވަގުތުން ހުއްޓާލައި ޑޮކްޓަރެއްގެ ލަފާ ހޯދަންވާނެއެވެ.
ލޮނުމެދަކީ ދަތުގައި ރިހުމަށް ޒަމާނުއްސުރެ ބޭނުންކުރަމުން އަންނަ ވަރަށް ފައިދާހުރި ބާވަތެއް/ފޮޓޯ.: ހޯމްޓިޕްސް
މި ފަރުވާތައް ކުރުމުގައި އަބަދުވެސް ސާފުތާހިރުކަމަށް އިސްކަން ދޭންވާނެ އެވެ. އަދި ކޮންމެ ފަރުވާއެއް ކުރުމަށްފަހުވެސް އަނގަ ރަނގަޅަށް ދޮވެ ސާފުކުރަންވާނެއެވެ.
މި ފަރުވާތަކަކީ ވަގުތީ ލުޔެއް ހޯދުމަށް ކުރެވޭ ފަރުވާއެކެވެ. ދަތުގެ ރިހުން ދިގުލައިގެން ދާނަމަ، ނުވަތަ ރިހުމާއެކު ހުންއައިސް އެހެނިހެން ޢަލާމާތްތައް ފެންނަން ފަށައިފިނަމަ، ލަސްނުކޮށް ޑޮކްޓަރެއްގެ އެހީތެރިކަން ހޯދަންވާނެއެވެ.