ސަފާރީގައި މޫދަށް ވެއްޓުނު މީހާ މަރުވެފައި އޮއްވާ ފެނިއްޖެއެވެ.
އޭނާ ހަށިގަނޑު ފެނިފައިވަނީ ކަނޑުގެ 69 މީޓަރު އަޑިންނެވެ.
ރޭގެ ވަގުތެއްގައި ސަފާރީގެ ޑެކް މަތީގައި ހުއްޓާ ވެއްޓި، އުޅަނދުގެ އަރިމަތީ ޖެހިފައި މޫދަށް ވެއްޓިފައިވަނީ ނ. ހޮޅުދޫ ސީވީޑް އަލީ އަރުޝަދު އެވެ.
އެމްއެންޑީއެފް އިން ވިދާޅުވިގޮތުގައި އޭނާ ކަނޑަށް ވެއްޓިފައި ވަނީ މިރިހި އައިލެންޑް ރިސޯޓް ކައިރީގައި އޮތް “ނޯތު 07” ސަފާރީންނެވެ.
ސިފައިން ދެންމެ ހާމަކުރި ގޮތުގައި އޭނާގެ ހަށިގަނޑު ފެނިފައިވަނީ ކަނޑުގެ 69 މީޓަރު އަޑިންނެވެ. އަދި މިއަދު 15:35 ހާއިރު އޭނާގެ ހަށިގަނޑު ލޯންޗަށް ނަގާފައިވާ ކަމަށް ސިފައިން ބުންޏެވެ.