ވިލިމާލޭގައި މިއަދު ހަވީރު މޫދަށް އެރިއުޅެނިކޮށް އޮޔާ ދަމައިގަތް މީހަކު ސަލާމަތްކުރުމުގައި އެމްޓީސީސީގެ މުވައްޒަފުން ދެއްކި ހިތްވަރާއި ސާބިތުކަމަށް ފަޚުރުވެރިވާ ކަމުގައި އެމްޓީސީސީން ބުނެފި އެވެ.
ފުލުހުންނަށް މިއަދު 15:55 ހާއިރު ވިލިމާލޭގައި މޫދަށް އެރި އުޅުނު މީހަކު އޮޔާ ދަމައިގަތް ކަމުގެ ރިޕޯޓެއް ލިބިގެން މެރިން ޕޮލިހަށް ދެވުނުއިރު އެމްޓީސީސީގެ ފެރީއަކަށް އެމީހާ ނަގާފައިވާކަމަށް ފުލުހުން ވަނީ ބުނެފަ އެވެ.
މި ހާދިސާގައި އޮޔާދިޔަ މީހާ ސަލާމަތްކޮށްފައިވަނީ އެމްޓީސީސީ ފެރީގެ މުވައްޒަފުންނެވެ. އެމްޓީސީސީން ބުނީ އެ މީހާ ސަލާމަތް ކުރުމަށް މުވައްޒަފުން ދެއްކި ހިތްވަރާއި ސާބިތުކަމަށްޓަކައި ފަޚުރުވެރިވާ ކަމަށެވެ.
އެމްޓީސީސީން ބުނީ، އެ ކުންފުނީގެ މުވައްޒަފުންނަށް ސޭފްޓީ އަދި ރެސްކިއު ޓްރޭނިންތައް ބާއްވަނީ މިފަދަ ހާލަތްތަކުގައި އެހީ ބޭނުންވާ ފަރާތްތަކަށް އެހީ ފޯރުކޮށްދިނުމުގެ ބޭނުމުގައި ކަމަށެވެ.