ހަޔަރ އެޑިޔުކޭޝަން މިނިސްޓްރީން، ބުރޫނާއީ ސަރުކާރުން ދިވެހިންނަށް ދެއްވާފައިވާ ސްކޮލަޝިޕްތަކަކަށް ކުރިމަތިލުމުގެ ފުރުސަތު ހުޅުވާލައިފިއެވެ.
މި ސްކޮލަޝިޕްތަކަކީ “ބުރޫނާއި ގަވަރމެންޓް ދާރުއްސަލާމް ސްކޮލަޝިޕް ޕްރޮގްރާމް” ގެ ދަށުން ލިބިފައިވާ ފުރުސަތުތަކެކެވެ.
މިނިސްޓްރީން މަޢުލޫމާތު ދެއްވާފައިވާ ގޮތުގައި، މި ސްކޮލަޝިޕްތައް ލިބިފައިވަނީ ބުރޫނާއިގެ ފަސް ޔުނިވަރސިޓީއަކުންނެވެ. މީގެ ތެރޭގައި ޑިޕްލޮމާ، ފުރަތަމަ ޑިގްރީ އަދި މާސްޓަރސް ޑިގްރީ ފެންވަރުގެ ކޯސްތައް ހިމެނެއެވެ. މިއީ ދިވެހި ދަރިވަރުންނަށް މަތީ ތަޢުލީމު ހާސިލުކުރުމަށް ލިބިގެންދާ ވަރަށް މުހިންމު ފުރުސަތެކެވެ.
ސްކޮލަޝިޕްތަކަށް ކުރިމަތިލުމަށް ޝައުޤުވެރިވާ ފަރާތްތަކަށް އެ ފުރުސަތު އޮންނާނީ އަންނަ މަހުގެ 15 ވަނަ ދުވަހުގެ ހަވީރު 4:00 އާ ހަމައަށެވެ.